2019-10-15, 週二

【想入好學校?】菜姨姨教路:「腹有詩書氣自華!」

已經推動親子閱讀有20年時間嘅菜姨姨(蔡淑玲)同小朋友講故事一向十分精彩,近日菜姨姨出席活動時,除咗分享咗同小朋友講故事嘅心得和技巧外,同時亦話咗畀我哋知,名校校長最鍾意收邊類型嘅學生添!

菜姨姨認為親子共讀是建立親子關係的橋樑,多年來默默推動親子閱讀的她,過程中認識到好多校長。她稱:「我發覺好多小學校長,都認同我哋呢個(親子閱讀)理念,因為我哋當年落咗(推動閱讀的) 種子,校長就睇(肯閱讀嘅小朋友)將來長大點樣?經過多年後,佢哋都已經可以睇到當年肯睇書嘅小朋友,同唔肯睇書又只會補習嘅小朋友有幾大分別。」

【想入好學校?】菜姨姨教路:「腹有詩書氣自華!」

菜姨姨續指家長如果想在以外聘一些方法令到小朋友可以入到名校是「好傻的」!

「因為不止名校,其實而家所有學校都係睇家長,睇家長有冇Taste!即係個人有冇修養,修養係個媽媽有冇同細路仔睇書,閱讀得多就會『腹有詩書氣自華』。你一開口去面試時,校長同你講幾句,已經知道你係咩人,佢收唔收你嘅小朋友,係考慮適唔適合佢間學校,佢未必係話你個仔有問題,而係適唔適合佢間學校!所以而家我哋講親子共讀唔係要鬥多書、唔係要買到一屋都係書,我哋係鼓勵緊家長與小朋友持續咁睇書。」

【想入好學校?】菜姨姨教路:「腹有詩書氣自華!」

菜姨姨指其實家長每日只要花10至15分鐘與小朋友起閱讀就可以,透過講故事,父母可以同小朋友一起學習,父母很多時間都可以從閱讀中發現自己的不足,透過一起閱讀,亦可以建立良好的親子關係、同時培養家長的個人修養!

菜姨姨建議,家長與小朋友其實可以多去社區中心,找「書伴我行基金會」的書,「書伴我行基金會」有超過350個圖書館,他們有 Guideline教小朋友點揀書、點讀,唔使錢的!只要家長與小朋友肯持續咁睇書,咁就唔使怕小朋友找不到好的學校!