【埋身餵母乳】小編:「係咪我餵佢唔飽?」

話說我哋Summer小編已經出院返到屋企坐緊月,同時開始咗佢嘅人奶路。不過一開頭難免有啲手忙亂腳,而且仲有啲蝦碌事添!

20170216 6100H004 1

好多新手人奶媽都會有疑問,就係埋身餵母乳唔知道「BB究竟食咗幾多?係咪食得飽?」Summer都係其中一個有此疑問嘅新手媽媽。加上Summer BB回家首日即使密密吃奶都依然喊個不停,所以就令佢超擔心,不斷懷疑自己唔夠奶餵唔飽愛兒。

其實嬰兒喺媽媽肚內生活咗10個月,初來到呢個陌生世界仲未適應係好正常嘅。除肚餓外,包被包得佢唔舒服、尿片痾濕咗、太凍太熱溫度唔啱,或者肚仔有風唔舒服,都有機會令BB呱呱大叫,所以初生BB喊唔一定係肚餓!點解我知?因為我都係媽媽呀,因為我個仔頭3個月都係每晚喪喊喪扭!嗚!

正所謂:「當局者迷!」剛生產嘅Summer雖然平日非常精靈,不過佢同大部分產婦一樣,都係會擔心BB食不飽嘅。

所以…

Summer老公見Summer密密餵奶覺得BB唔飽,返屋企第一日就即刻落街買奶粉。但後尾發現補粉後,BB都係隔兩個鐘就喊。(所以唔關人奶食唔飽事啦!加油呀!)

【埋身餵母乳】小編:「係咪我餵佢唔飽?」

為咗知道自己究竟有冇奶,Summer嘗試泵奶再用樽餵,好處係清楚畀自己同身邊人知道究竟有冇奶,又可以知道BB食咗幾多,釋除無奶嘅疑慮。然後,奇怪嘅事就發生咗!首次使用電奶泵嘅Summer啟動奶泵5分鐘後,竟然發現:乜!都!泵!唔!出!

【埋身餵母乳】小編:「係咪我餵佢唔飽?」

正在驚慌之際,馬穎叫Summer send幅相嚟睇下,原來Summer只想泵一邊胸,但插咗for雙泵用嘅Y型喉!應該用返單條喉先啱呀!哈哈哈!係咪好蝦碌?(最後係成功泵到奶!阿B係有奶食架唔使擔心!)

20170216 6100H001 1

好彩到健康院首次檢查後,BB一切正常,而且Summer見過母乳姑娘後,姑娘都話Summer「做到幾好、對佢有信心!」我哋都一齊支持下佢啦!加油呀!You are not alone!

田叔叔英語閱讀計劃2023-24
田叔叔英語閱讀計劃2023-24
 親子最關注
香港優質教育機構巡禮 2024