2019-09-19, 週四

【生人勿近?】如何令小朋友唔「怕生保」

小朋友係日常生活上接觸嘅人唔多,所以當遇到唔識嘅人或新嘅事物時,會因為未知而感到不安,呢啲都係好正常嘅事﹗不過,如果忽視此問題,又或者不斷包容並遷就,就會影響小朋友性格嘅形成。其實家長可以從環境和教育上著手引導,了解小朋友「怕生保」嘅原因,再從根本改善,就可以令情況大大改善。

 【親子交流】如何令小朋友不再怕生 

擴大社交圈子

家長可以先從小朋友熟悉嘅人開始,俾小朋友逐漸接觸,係佢開始習慣後,再慢慢在見到熟人嘅時候,夾雜一些陌生人,循序漸進地慢慢擴大小朋友嘅社交圈子。

建立安全感

小朋友「怕生保」,其中最重要嘅一點係因為缺乏安全感。例如小朋友喺年幼時曾被長輩戲弄或取笑,都可能會令他們感到不安,因而害怕跟陌生人接觸。這時家長可以陪伴孩子一同跟「陌生人」傾計,並鼓勵他們主動嘗試,從而建立佢哋嘅自信心和安全感。

讓孩子感覺舒服

即使係大人,對於唔熟嘅人都會保持一定距離,唔會第一次見面就攬頭攬頸;其實小朋友都係一樣,甚至更加敏感。尤其年齡尚幼嘅小朋友,突然俾唔識唔熟嘅人抱起,會令他們緊張同感到不安!家長應該先介紹對方予小朋友認識,再傾下計、玩下跟對方「打成一片」後,才讓小朋友跟對方有擁抱或拖手等較親密的行為。

×