2019-10-23, 週三

【產後抑鬱症2】治療產後抑鬱症

怎麼治療產後抑鬱症?

7854

目前為至治療產後抑鬱同一般抑鬱症相同,包括藥物、心理治療及家庭支援3方面:

 20171016 7854 V01

藥物治療
若抑鬱症狀嚴重或已持續一段時間,可考慮先用效果較快嘅藥物治療。呢類藥物唔似鎮靜劑同安眠藥會令人上癮,只係開始時可能引致昏睡、口乾、噁心、手震、頭暈、焦慮等副作用,但通常幾個星期內就會消失。抗抑鬱藥係病情好轉後仍須完成整個療程,不可以突然中斷,否則可能會引起身體一啲不良反應,影響治療進程。但如果患者正在餵哺母乳,可先與精神科醫生商量。


心理治療
產後憂鬱嘅女性內心會有一種無助感,經常需要家人同社會嘅支持,特別係丈夫嘅體貼、理解係非常重要。但自己都要主動求助,同親人朋友傾吓,經常有戶外活動。家人都要上心,及時了解產婦嘅憂慮問題,可以幫助患者好快從抑鬱情況解脫出來。

 

家庭支援

屋企人可以分擔照顧bb嘅工作,例如換尿片、餵奶等實際工作;亦都要聆聽患者傾訴及加以開解。

 


給患者和家人的建議,以下有助康復嘅方法:

‧ 爭取充足睡眠和休息
‧ 均衡飲食,無胃口都要少食多餐,戒煙酒咖啡
‧ 持之以恆做運動,尤其帶氧運動,出外散步都可以
‧ 嘗試向親友傾訴,紓緩壓力之餘都可以讓家人了解你
‧ 接受實質嘅幫忙,唔理係家務定係照顧BB
‧ 主動向經驗豐富嘅母親或長輩請教育兒問題
‧ 安排時間做喜歡和輕鬆的事情
‧ 跟朋友保持聯絡及約會
‧ 毋須要求自己做一個完美的母親,多肯定自己
‧ 尋求母嬰健康院、政府或非牟利社福機構的醫療、輔導及支援小組服務

至於患者家人,須體諒患者產後抑鬱期間情緒不穩、煩躁易哭或冷漠疏離的態度,多表達讚賞同鼓勵,並幫助分擔家務及照顧BB,讓患者有私人空間,使身心休養生息。

 

若曾患抑鬱症,應在懷孕後盡早知會醫生,作評估和跟進,降低生產前後復發的風險。