2019-11-18, 週一

【一啖荔枝三把火】荔枝嘅禁忌

8988

又到食荔枝嘅季節,有咩享受得過食返粒又甜又多汁嘅荔枝呢,但呢個時候又經常聽到“一啖荔枝三把火”,但原來係食荔枝都有講究,食用不當會損害身體。就等我哋講吓關於荔枝嘅禁忌!

20180627 8988 V02

空肚食荔枝
很多「荔枝病」發病都係空腹情況下。所以唔好空肚食荔枝,保證食荔枝前後要食一啲富含碳水化合物嘅食物。

 

食荔枝注意數量
好多家長都會帶小朋友去荔枝園採摘新鮮荔枝食,但呢個時候要小心。一唔留神就會食多咗,但至於食幾多粒荔枝就要考慮糖分含量,每日食5-10粒以內都冇問題。

20180627 8988 V01

未成熟荔枝
未成熟荔枝中毒素含量較高。要注意果農採摘荔枝都會喺荔枝未完全成熟嘅時候採摘,所以我哋食到嘅好多時都係未完全熟嘅荔枝。

 

「荔枝病」急救方法
低血糖其實係好危險,會出現頭暈、乏力、出汗、面色蒼白、心悸等症狀,仲有可能呼吸困難和心律失常。如果食咗荔枝之後出現上述症狀,應當立刻攝入容易消化的各種糖類豐富嘅食物,例如糖、粥、飯等等,如果情況冇改善就要及時就醫啦。