2020-01-22, 週三

【珍寶豬欄】佢哋做錯咗啲咩而要坐一世監

9235

 

以前細個會一家人去海洋公園,到人大咗會發覺即使海洋公園入面嘅動物係假嘅,都一樣會好開心。因為重點係一家人,係邊個同我去,而唔係原本唔應該喺入面嘅動物…

網絡世界令人易知天下事,動物園動物表演…表面華麗動物可愛~睇動物表演時,個個都讚啲動物好叻。但係有冇諗過呢啲係原本佢哋唔需要識嘅嘢,只係佢哋被訓練出嚟,訓練又係點訓練?大象俾人鞭打,獅子老虎俾人剝牙…我哋睇緊嘅表演對於我哋觀眾係可有可無嘅節目,但對動物嚟講就可能係一個地獄。

20180903 9235 B01
最近日本有個動物園結業並遺下動物…睇報導留言好多人都覺得好意外。『日本咁有文化,文明大國都咁樣?』,每一個地方都有壞人好人,冇一個地方係會100%好人,有嘅都只係你自行幫佢加上嘅光環。你去旅行見到嘅一切都只係好表面嘅事,因為你每日喺嗰度都只需要食屙買瞓,你並唔係喺嗰度真真正正咁生活過…動物園亦都一樣,你以為動物喺入面日日食屙瞓好愜意舒適,事實佢哋又係咪真係想留喺嗰度一世…究竟呢啲動物原本係喺邊生活?佢哋嘅由來係點?

究竟佢哋做錯咗啲咩而要坐一世監…


我哋根本唔需要動物園或任何動物表演,去動物園又唔係可以親身感受俾老虎咬死嘅,咁我要隻活生生嘅老虎喺度做咩?我睇電視都睇到啦~