【甘寧老師】從新垃圾桶看教育

我哋依家冷靜咁分析下件事,最合理動機似乎係,改用新版垃圾桶係為左遲下想實施嘅垃圾徵費而鋪路。但諗諗下好似又唔關事,垃圾桶口細左咪細左囉,一般市民又點會無啦啦自己靈光一閃,自動減少在街道垃圾桶棄置垃圾!

20160613 3657 a2

圖片:網絡

你睇下,個新垃圾桶第一日落街,垃圾量唔單止無減少,更有市民因為垃圾放唔到入去而直接放係垃圾桶隔離阻街!

我成日都好懷疑,點解香港成日都會出現一d達唔到目的嘅政策同計劃,到底係邊個天才諗出嚟!就好似教育界嘅通識科咁。

通識教育科旨在透過探究各類議題以擴闊學生的知識基礎,加強學生對社會的觸覺。本科所選取的單元內容主題,對學生個人、社會和世界均具有重要意義,也能幫助學生聯繫不同範疇的知識,擴闊視野。通識教育科的學習經歷可幫助學生成為終身學習者,並且有信心面對未來的挑戰。呢啲咁宏大嘅理念轉自教育局網頁,咁到底香港嘅天才們如何實現?

中學生的通識課堂十分多元化,大致上的課堂不是看短片就是做練習,看似充滿發揮空間的題目其實暗藏殺機!字數、論點數量、駁論都限制了學生的思維。其中我最討厭嘅係,考試題目必定有一條問題係問「多大程度」。以上年Dse通識卷二為例,其中一題係「高度的新聞自由會提升香港政府的管治效能」你在多大程度上同意,試解釋你的答案。正常人嘅價值觀包含「黑、白、灰」,但係通識角度,求遠都係灰,只係你隻灰色係接近黑色多少少定係白色多少少。

呢條問題對某啲

同學嚟講可能係等於「1+1=2」你在多大程度上同意,試解釋你的答案。咩多大程度啊,我完全同意啊,我可以點答!

慢慢,大家將通識科重點變左係答題技巧身上,教學開始遠離上文提及的宏大理念,即使論點一樣,把相同的論點以最冗長的手法表達變成更勝一籌的答題技巧!唔係好好笑咩?

老實講,我認為通識科係必須,同埋當初嘅理念都係一件對香港學生有幫助嘅好事,而我亦明白計劃未必一定順利。但係面對失敗咗嘅計劃,我地是否只是遺忘、忽視、做沉默的幫凶,從來冇諗過點改善個計畫,達到原本的目的。

下一個教育界出現嘅新版垃圾桶,你會沉默使用,定係直斥其非?

 

 

田叔叔英語閱讀計劃2023-24
田叔叔英語閱讀計劃2023-24
 親子最關注
香港優質教育機構巡禮 2024