2020-07-12, 週日

【網絡熱話】幼稚園功課程度直逼昔日A-level

話說琴日小編同大家分享咗一份小五嘅英文功課,難到媽咪嗌曬救命,紛紛投降表示已經跟唔上小學程度,原來我錯了,我地係連幼稚園程度都追唔上!

【網絡熱話】幼稚園功課程度直逼昔日A-level

呢一份係馬鞍山綠茵英文幼稚園嘅工作紙,有網民笑稱程度直逼高考!我唔理佢係派比K1定K3啦,一睇完個內容,我嘅表情同下面隻樹熊一模一樣,「o曬嘴」。

20160922 4696 a2

雖然我都知香港地好多家長都想仔女將來唔係做大律師就醫生,但係都要循序漸進!你要個小朋友去了解咩叫X-ray machine會唔會言之尚早,d手腳關節位大人都未必識英文係咩!

其實小編認為呢份功課對家長嚟講唔算難做,話曬下面都有選項,但對小朋友嚟講就唔係,仲會引發一連串問題!假如小朋友問返家長X-ray machine係咩Red-blood cells、White blood cells又係咩,真係R爆頭都唔識答,而更重要嘅係,佢地最多都係3歲至6歲嘅小朋友,洗唔洗啊!

有時真係覺得社會已經開始走火入魔,種種過火行為只會磨滅小朋友學習興趣,後果不堪設想。

有時間不妨睇埋呢份小五功課,一樣會令你「O曬嘴」:http://bit.ly/2dadrxq

圖片:網絡截圖