2021-05-16, 週日

【家長熱話】兒童醫院遊樂場淪陷 係政府規劃定人嘅問題?

【家長熱話】兒童醫院遊樂場淪陷 係政府規劃定人嘅問題?

 

兒童醫院附近的遊樂場幾月獲KOL推介,有市民帶小朋友一窩蜂走入兒童醫院玩耍,造成交通擠塞,令有真正需要的病童等多幾班車才入到醫院,大批呼籲家長不要前往。事件令人關注兒童醫院交通配套嚴重不足的問題,促政府盡快改善。

 

兒童醫院對出的啟德海濱長廊自2月中開放後,附近遊樂場設施新淨和火箭造型滑梯勁吸引,這個「隱世」親子好去處曝光後,成為打卡點。除了小朋友外,公園突然變成大人打卡和野餐熱點,由於往來醫院至市區的小巴和巴士班次少,市民往往要等幾班小巴才先上到車,加上多人駕私家車前往,訪客車位極少,醫院傷車場違泊情況大增,令巴士過唔到,交通大塞車,令需要的覆診病童好不方便。

 

事件引發網絡熱話,有病童家長向《親子頭條》表示,「去兒童醫院嘅交通已經好疏落,病童去醫院覆診就係因為你呢班人去玩,就要等多幾多班車?有好多基層家庭嘅小朋友都需要去呢度覆診,唔通下下搭的士?又或者去呢度玩嘅家長越來越多,泊晒附近車位,病童嘅家長啲車泊喺邊?」

 

亦有病童媽媽在網上表示,「玩唔係問題,大家都係想小朋友開心。不過,決定去玩前如果可以諗多一步,其實行遠少少都有好多地方可以去玩,選擇真係有好多」。出入兒童醫院的小朋支身體長期出現各種問題,並非普通傷風感冒,他們只可以在窗邊默默看著正常小朋友玩,自己冇得周圍去,或者在病床上受病魔期折磨,內心完全受傷,許多網民希望大家運用同理心,還病童和其家長寧靜環境,「平時長期病童根本冇機會去普通遊樂場玩,因為太多人怕菌,病童抵抗力超級弱。唯有返醫院複診,先有機會去冇乜人嘅遊樂場玩吓。點知而家呢個機會都冇埋」、「平時寧靜的海旁都會有家長推住病童散下步,吸下新鮮空氣,望下海,而呢度係佢地唯一可放下風的地方!」

 

【家長熱話】兒童醫院遊樂場淪陷 係政府規劃定人嘅問題?

 

由於兒童醫院附近的遊樂場不屬醫院管理範疇,而是康文署管理,遊樂場是公眾地方,有網民認為「公園唔係私家,又新淨,外面個個公園亦多人,想換下場地都無可厚非,至於話影響到人,不如話香港交通問題一向嚴重」,「公園係公家㗎!一係你叫政府開多啲小巴巴士過去,疏導人群,而唔係限制啲人唔可以去一個公共地方」、「成件事係政府規劃問題,起公園原本冇問題,但目標玩家係邊個先?如果原本係任何人都用得,又唔可以怪其他人使用,除非係兒童醫院申請左專用。」

 

圖片:網上圖片