2019-10-14, 週一

【睇到好嬲】工人姐姐不理少主舔玻璃

自從做咗媽媽之後,Hody Ma每逢睇到或聽到有關虐兒、拋棄新生兒等新聞就會好嬲,早前台灣「小燈泡」果件事,更加令我喊到唔敢再睇落去,傷心到一個點。

就喺今日如常返工之際,突然收到Whatsapp群組傳來一段圖文,唔睇由自可,一睇把幾火!

【親子頭條】工人姐姐不理少主舔玻璃

【親子情報】工人姐姐不理少主舔玻璃

全文如下:

2016年5月3日星期二下午5:20分,係西環西寶城商場1樓,我當時見到有一個大約一歲半至2歲既男童, 用脷舔緊玻璃, 我們一班人係度討論緊個小朋友係邊個既同時,小朋友已經自己行入咗759,再出番黎再自己一個行去要入錢既電動遊戲機,個男仔開始爬上去,都末有人出黎睇住個小朋友,於是我就周圍望,終於見到有個工人姐姐坐係三x書店門口,望住個電話,間唔時遠望小朋友一下,又再睇番電話,我初時都唔想多事,但又怕小朋友走去電梯旁邊會出事,過咗大約5分鐘,個男仔走番去工人姐姐身邊,男仔開始爬個玻璃圍牆,佢企喺係上一級,雙手壓住玻璃圍牆頂,想再壓高一啲,工人姐姐望咗佢一眼,又再睇番電話,我就走埋去同佢講:

我: excuse me, is this your kid?

工人: What is the problem? (Very fierce)

我: The kid walks around here by himself is very dangerous, once he walk to the escalator, he may fall down and die.

工人: is he dead? He is still here.

我: and he also lick at the glass.

工人: is the glass broken?

我: not broken, it is dirty.

工人: there is people cleaning here everyday, how will it be dirty? Is it your home here? Why do u know it is dirty? This is not your home, it is none of your business…..

呢個時候我已經唔再同佢講野啦,只好影低佢,希望小朋友的父母知道。我都係身為父母,雖然我係自己照顧自己既小朋友,但完全明白好多父母要工作而將小朋友交俾工人姐姐照顧,好多時都唔知發生咩事,如果大家認得呢個工人,請代為通知父母。我相信香港唔會有好大機會俾人搶走小童,但我相信以當時既距離,如果小朋友走去電梯個邊,工人姐姐一定唔可以阻止意外既發生。

如果件事係真嘅,真係好嬲!我好認同發文者所講,父母要工作而將小朋友交俾工人姐姐照顧,好多時都唔知工人會點對待自己個小朋友,咁樣疏忽照顧,萬一有咩意外咁點算?!請姐姐返屋企照顧小朋友,有時都真係好大風險!希望呢篇文出咗之後,會增加呢個小朋友父母睇到嘅機會,等佢可以同個工人了解下當時發生咩事啦!