2020-05-30, 週六

【媽媽怒斥】迦南訛稱家長簽署條款 退學要補交學費

今日在媽媽Whatsapp群組中收到一篇關於有家長幫子女退學,卻受到學校職員以惡劣態度對待,職員更聲稱家長手冊有條款寫明退學是要補交一個月學費,但家長向教育局投訴後,回覆家長證實學校手冊並沒有類似條款!

 20160928 4755 a01

Whatsapp流傳文章:

今朝11點左右,我打電話去黃埔“迦x”幼稚園退學,對話如下:

我: 唔好意思,我係xxx媽咪,我想幫阿囡辦退學

主任: 得! 你補番一個月學費俾我。(態度不友善,情況好似你好憎你老細,你要炒你老細,你老細好串咁答你:你要走得,補錢俾公司)??

我: 吓! 點解要補一個月?

主任: 你簽左名

我: 請問我幾時簽左名?邊度?點解我唔知?有回條俾過我?

主任: 你喺手冊簽左

我: 請問手冊邊一頁?

主任: 手冊裡面

我: 我手冊淨係簽過學生資料、兒童健康狀況

主任: 總之你就要補一個月

我: 得! 我需要向教育局求助

主任: 好,你咪打去咯,打去都係一樣 (態度及語調係仲串過之前100倍)

我: 我唔介意你地收錢或罰款,但最基本你要事前通知我,而唔係我不知情下俾錢

主任: 手冊寫左,你簽左名,要走補一個月

***
我打去教育局有關部門對話:

我: 我剛才致電黃埔“x南幼稚園”退學,但學校要我俾一個月通知金

教育局: 我地有指引俾學校遵守,但學校亦需要咨詢家長或通知家長,呢件事我馬上打去學校搵校長跟進

《隔左約30分鐘》

教育局: 已經查左,手冊無呢項條款

我: 所以我話我無見過亦無簽過,點解佢話有?

教育局: 佢話舊版果本手冊有。我已經警告左校方,要佢地唔好亂黎,佢地就各項交費事項都需要退番錢俾你。如果佢地聽日都唔聯絡你,你要馬上通知我地。
***
平時學校蚊患嚴重,咬到阿囡手腳腫到一嚿嚿,老師就答我,係呀,學校係有d蚊! 要我打去投訴先處理!
我真係唔知你地點辦幼兒教育! 唔好當所有家長都係幼兒智商先得!
雖然我係忙,但我個女嘅教育項目我跟得好足,唔好當我係無知

小編就事件向校方查詢,但職員回覆不會就以上事件作任何回應。

雖然有部分不參與學券的幼稚園都會要求即日退學的家長補交學費,但該校的職員態度和在不清楚的情況下,訛稱手冊有相關條款,並且家長已經簽了名,實是最令其他網民最憤怒的地方。

20160928 4755 a0001

【迦南飛書包事件】 http://bit.ly/1NlwFw7

圖片截自網絡