2019-10-17, 週四

【IKEA送貨】用APP量度搬運超100米即收多$300

早前同大家講過一位讀者於IKEA使用送貨服務果陣,係唔知情嘅情況下被收多$300,原因係原來佢地有條款指卸貨點至送貨地址之間如果超出100米範圍,就會直接收取$300搬運費,咁到底佢地係用咩方法去量度呢?

首先我地睇返IKEA網頁所寫嘅條款完整版先:

送貨服務收費為卸貨點至送貨地址之間的100米範圍內,否則宜家家居委派之送貨隊將直接收取港幣$300搬運費,並提供收據。離島之送貨服務收費為卸貨點至送貨地址之間的50 米範圍內,範圍以外則以下列原則收費: 
(a) 50米起至100米以內需付港幣$150;
(b) 100米起至200米需付港幣$200;
(c) 200米以上需付港幣$300。

簡單嚟講就係非離島就搬運超過100米收$300,離島就超過200米收$300!

 至於你問如果司機出蠱惑或者冇話比我知有呢條條款點算,可以參考另一篇文章:【IKEA新條款】送貨行 100 米即收 $300!

而本文主要探討IKEA送貨團隊嘅度量收費方法有冇問題!

【IKEA送貨】用APP量度搬運超100米即收多$300

 根據香港宜家家居回覆,佢地係使用「Nike + Run Club」手機應用程式去計算搬運距離。我地都即刻下載咗嚟做實測發現在以下幾個問題:

1.量度單位固定

我地以分別係ios系統以及android系統嘅手機下載咗呢個App,發現2個系統都係以英哩去計算距離,並且只能量度至小數點後2個位。由於100米約等於0.062137,對只量度100米距離嚟講就未夠精確,不過好彩嘅係小編開住個App係運動場行100米,都係得出0.06英哩嘅結果,符合預期。

2.受網絡所影響

由於呢個App量度距離係使用定位技術,所以手機數據或Wifi信號強弱都會影響結果。

【IKEA送貨】用APP量度搬運超100米即收多$300

3.原地搖晃都會計算

小編就好百厭咁試過開住個App之後企定定係到輕輕力搖部手機,發現數值都會有變!小編搖左大約40秒,就已經顯示0.06英哩,雖然上文提及我開住個App行100米都算準確,但我行100果陣係一氣呵成,假如途搬運師傅要停低抖抖,你都知搬運師傅電話袋褲袋,又要做野動作咁大!基本上只要一停就有機會計多距離,

總括而言,用App嚟量度收費距離始終漏洞同限制多,絕對唔係一個好方法!同時好容易因為出現誤差而發生糾紛,係未完善好量度方法之下,呢個條款實在有唔少爭議性,顧客想保障自己我們有以下可行建議。

建議做法:

香港宜家家居表示歡迎顧客一同使用呢個App量度,以免產出誤會,上文提及其實只要一氣呵成咁行都算準確,所以我建議大家係網絡穩定嘅情況下自己一氣呵成咁行一轉睇下結果如何,就可以盡量保障自己免被收取額外$300費用。