【幸福傳承】老公婚禮送99玫瑰 老婆上網放售

相信每一位做咗人老婆嘅都曾經收過另一半所送嘅花,無論平定貴都會覺得好浪漫、好暖心,果一刻簡直覺得自己係全世界最幸福嘅女人。不過呢位先生嘅老婆就似乎係全世界最現實嘅女人,老公送比我嘅「幸福」我希望可以用$800蚊傳承比下一位幸運兒!

 20161229 5643 a1

雖然唔知呢位人妻從事咩行業,但係一睇就知係Marketing鬼才!咁肉酸嘅事都比你諗到用「幸福傳承」嚟包裝,佩服佩服。有人留言問事主點解要咁做,佢都好精警咁回左句:

20161229 5643 a2

 

啊,你又好鬼死衰架!咁講叫我點駁你,呢一世看似平凡其實字字珠璣,「好過」呢二個字直指唔放比人係更壞選擇,同一時間用「可能」帶出唔可以抹殺有人咁環保幫佢接手「幸福」,我輸了!

懶人翻譯包:我唔放比人咪擺係屋企等謝囉,曬錢!你唔比真係有傻仔買嘅!

雖然d花望落都仲好新淨,但花都買二手我實在過唔到自己果關!其實上網買99支玫瑰都係1300蚊到,都係慳幾百蚊但就好肉酸,不過人一世物一世,呢位人妻咁環保又鍾意同人Share幸福,不如試下同老公講唔好再送花啦,咁咪大家都開心。

圖片截自網絡

田叔叔英語閱讀計劃2023-24
田叔叔英語閱讀計劃2023-24
 親子最關注
香港優質教育機構巡禮 2024