2020-04-01, 週三

【今日開始】沙田新城市廣場應急尿片收$1

有睇開親子頭條嘅讀者,一定記得我哋舊年做過一次各大商場實試攞免費尿片嘅測試!

唔記得或未睇過?唔緊要,即刻去呢度睇返 【免費攞尿片】實試港九新界20大商場應急服務

【親子頭條】沙田新城市廣場應急尿片收$1

今次其實係要Update返大家,由今年開始,新鴻基旗下嘅商場已經陸續開始由免費提供尿片應急服務,改為須收取$1捐款作慈善用途才可索取尿片。

平時超多家庭顧客嘅沙田新城市廣場,都由今日開始推行$1捐款政策!

【親子頭條】沙田新城市廣場應急尿片收$1

消息指商場每個月的捐款受惠機構都唔一樣,沙田新城市廣場一期就會將本月嘅捐款捐去協康會。

【親子頭條】沙田新城市廣場應急尿片收$1

沙田新城市廣場三期則會將本月捐款捐去生命熱線。

另外,佢哋提供嘅尿片依然係獨立包裝嘅Goon尿片、學習褲,如果下次大家去開沙田新城市廣場又有需要索取尿片或學習褲,就記得新政策係要捐款架!