2020-07-11, 週六

【乜都關ADHD事?】小朋友專注15分鐘已經好叻

近年越嚟越多小朋友誤被家長以為係「ADHD」,家長開始已經好似唔可以接受小朋友做小朋友,鍾意玩,同父母講嘢乃人之常情,但家長偏偏就疑慮太多!呢類家長嘅心態可以話係「小朋友行為唔符合自己期望=有病」,真係令人心寒。

 20170227 6196 A1

更心寒嘅係,誤診「ADHD」對於心理唔平衡嘅家長嚟講更加係惡夢,因為佢地唔可以將小朋友嘅「失敗」歸究比病魔從而令自己好過,所以更有醫生指出,當小朋友確診無患上「ADHD」時 ,部分家長都會堅持醫生處方藥物。

首先我地要了解,其實小朋友坐唔定,唔專注係一件好正常嘅事,根據香港基督教服務處職業治療師團隊的資料,以下為唔同年齡層嘅小朋友專注力持久度:

20170227 6196 A02

培養小朋友嘅專注力需從小開始,香港基督教服務處職業治療師團隊提供以下方法可供家長參考:

1.專注力的持久度因人而異,家長宜按孩子的持久度來決定活動或學習的時間表,當孩子的專注轉弱時,便需讓他休息一會兒。

2.家長亦可因應孩子的專注能力安排有規律的生活,當他清楚知道自己將要進行的活動時,他們便會更投入且專注去完成。例如:孩子習慣吃完晚飯後,看VCD,然後做功課;若孩子每天都是同一安排,他便有心理準備去做功課,從而減少不合作的情況。

3.當孩子專注地進行活動時,家長應避免直接或間接干擾,盡量減少聲音的騷擾(例如關掉電視機)和視覺的引誘 (例如把玩具或文具收好)

4.透過遊戲去培養孩子的專注力,例如玩拼圖、迷宮遊戲、棋類遊戲等。

最重要係導致小朋友唔專注嘅原因實在太多,由於近年多咗家長留意ADHD加上不時有報導,所以先令大家造成過份擔心!隨住年齡越大,ADHD患者嘅徵狀都會更加明顯。

更有唔少家長直言,因為依家幼稚園教嘅嘢同年齡唔成正比,正常小朋友都係唱下歌跳下舞,訓練下小肌肉;但依家就又寫字又教書,坐唔定都係有原因,最重要係大家唔好將小朋友天性當成係一種病!

圖片:網絡