2019-11-19, 週二

【曾患自閉症】浙江7歲男童成為瑜珈教練爆紅

6歲時考獲少兒瑜珈教練證書,浙江呢名7歲的男童孫楚洋成為中國年紀最小的瑜珈教練,如今更開班教學,有成徒弟100人!但原來呢個背後,亦有段令人心痛嘅故事…

據悉孫楚洋因父母在職,因此每周只陪佢兩至三個鐘。細細個時,佢由褓母湊大,2歲時就交由幼兒園老師照料。某日,佢老師發現孫楚洋係幼兒園成日坐埋一角自己玩,又不太出聲,同其他小朋友比非常格格不入。而孫楚洋媽媽亦係一日放工返屋企,發現仔仔將沙發上靠墊全部圍起自己身邊,匿係入面說『我很害怕』,果一刻令佢媽媽心都碎埋。

 20180307 8531 B01

帶仔仔睇完醫生,確實佢患上輕度自閉症,孫楚洋媽媽就決定放棄打理她開咗12年嘅服裝店,專心陪伴仔仔,更帶佢去上瑜珈班。

 

最初孫楚洋只係睇住媽媽做,後來有日夜晚,佢同媽媽話佢都識,更當場示範畀媽媽睇。媽媽因此幫佢報名瑜珈私人課程,每堂要1個鐘,課堂上孫楚洋即使滿頭大汗,都不哭不鬧,個性竟亦逐漸變得開朗、活潑。

 20180307 8531 B02

孫楚洋係6歲時,考獲少兒瑜珈教練證書並開班授課,成為中國年紀最小的瑜珈教練,如今就讀2年級嘅佢,已有約10萬元人民幣(約13萬港元)存款。

 

圖片及資料來源:中國新聞網