2020-08-11, 週二

品德教育

  • 10942

    「贏在起跑線」這句說話已經深深刻印在各位爸爸媽媽的腦海裡,每位父母對起跑線的定義不同,選校入學是家長一致認同需要學習的。

     20191025 10942 k01

    坊間對學校大致分為兩類——傳統學校和開心學校(Happy School)。傳統學校功課多學術要求高,以催谷成績為主;相反,如果家長不想子女太辛苦或有壓力及產生焦慮情緒,則會考慮報讀開心學校(Happy School),希望子女在學術以外培養更好的品德教育。

     

    開心學校(Happy School)在香港往往被標籤為一個較「負面」的選擇,部分家長會認為未能考入傳統名校,所以才退而求其次選擇開心學校(Happy School)。作為兒童教育工作者,我們重視和強調因材施教,每一位小朋友都是獨一無二,即使是親兄弟姊妹,真正切合個别化需要的教育模式都不一定一樣,教育與學習本身就沒有固定的公式,每個小孩的接受程度不一,適合的教育方法亦會不同。最重要的是透過適當方法,讓小孩能夠在學習當中找到樂趣及成功感,避免在追趕進度中遇到太大的挫敗感,影響情緒上的發展。

     

    另有部分家長會疑惑是否應該按子女的性格來決定選校,有學生的爸媽曾經說:「我仔仔比較內向,執行性高,所以我為他選擇了傳統學校,以發揮他的長處」。

     

    BeConfident 建議
    家長不應過早為子女定型,小朋友的可塑性非常高,經過幼兒重要階段,特別在7歲前的教育環境及個人成長,他們也許可以由沉默內斂轉變成能言善辯和願意接受挑戰,反之也有機會由活潑好動而變成不敢言和失去學習興趣。所以過早定型未必對孩子有幫助,或許會添加限制。

     

    究竟選校方向應重視學術還是品德教育?這問題沒有絕對答案,很在乎父母自己的教育理念和成長經歷。小朋友應全面發展,教育是為了培養孩子的各種智能和品德,如智慧、勇敢、耐心、關愛、謙卑,幼兒至小學教育對其終生發展尤其重要。

  • 【小胖阿七】打工仔「大時偷金」 品德教育好重要

    阿七有朋友開物流公司,之前約佢食飯,一問起佢公司好唔好,佢就唉聲嘆氣。

     

    「咩事呀?生意唔好?」

     

    「唔係呢樣囉,我覺得我個伙記呃保險呀。」

     

    「係?點解你咁覺得?」

     

    「幾個月之前,我請搬運工人,有個高大後生仔嚟見工,見佢幾醒目又幾誠懇,咁就出萬五蚊請佢,一個星期返5日,算係咁啦。3個月試用期好快過咗,佢都做得幾好,我仲加佢1,000蚊人工添,佢就同我講佢會比心機做,想我加夠3,000,見佢都幾好,咁就應承咗佢。過咗幾日,佢喺公司搬嘢嗰陣突然『呀』一聲大叫,之後就話腰同頸都好痛,我拿拿林叫佢去睇醫生。」

     

    「個timing好令人懷疑喎。」

     

    「當時我一啲都無懷疑佢,仲好擔心,叫佢抖夠先返工。」

     

    「咁幾時開始你先覺得佢呃你?」

     

    「之後一個半月,佢每隔4日就交張醫生紙返嚟,我問啲同事,佢哋話都唔覺佢扭得好傷,唔明點解休息咁耐都好唔番。」

     

    「咁你諗住點?」

     

    「無計啦,佢有醫生紙,根據法例,又真係要賠俾佢。」

     

    「賠月薪嘅五分之四喎,即係個個月一萬四千四咁俾佢,唔驚保險公司加你loading呀?」

     

    「梗係驚啦,但係我都唔知點算。」

     

    「老友提提你,佢最多可以咁拎足兩年!」

     

    「兩年?」

     

    「係呀!」

     

    「咁保險公司實加loading啦!今次慘啦!」

     

    「你可以搵私家偵探查一查,有證據就可以通知保險公司。」

     

    「私家偵探?」

     

    「佢哋好叻做呢啲嘢,你搵佢哋,佢哋就識做架啦,睇下個僱員有無去做運動,係唔係如常咁行路,甚至睇下佢有無返第二份工,咁就知道佢係咪真係呃你。」

     

    於是朋友就聽從阿七建議,過咗一排,佢就call阿七。

     

    「好彩聽你講去搵私家偵探查一查,影到佢真係跑步追巴士喎,簡直健步如飛,邊有傷呢?跟住我哋即刻通知保險公司,保險公司之後仲發現呢個員工有前科,而佢填資料時無申報!」

     

    「其實呃保險可以係刑事,你有無追究落去?」

     

    「我話咗佢幾句就算,見一場主僕,同埋佢又咁後生,當俾多一次機會俾佢啦。」

     

    「你都幾善良,不過我估佢都好難再呃保險,已經呃過兩次,以後保險公司一定會特別留意佢!」

     【小胖阿七】打工仔「大時偷金」 品德教育好重要

    呃保險當然係犯法,亦係非常缺德嘅行為,為咗令自己得益,但就係危害緊大眾嘅權益,因為羊毛出自羊身上,有人呃保險,就會令保險公司加保費,甚至有拒保嘅情況,令誠實嘅投保人受害,最終會令所有人受害。不過,僱主同保險公司都唔好傻,只要有懷疑就要去查證,所以若要人不知,除非己莫為,大家切勿以身試法。

     

    作者:小胖阿七(Facebook專頁按此)
       本地保險業界先驅,40年前入行的首批從業員,見證無數高低起落,由高峰期的月入20萬的中環人,到突然要由零開始call單儲客,唔介意分享經驗,最緊要你哋聽完有錢落袋。

  • 【慈慧幼苗】感恩的心 從小培養

    從小培養小朋友的品格非常重要,除了禮儀之外,更要有一顆感恩和分享的心。

    【慈慧幼苗】感恩的心 從小培養 

    一齊看看媽芝怎樣安慰菇仔,教他感恩和關愛其他人。