2019-11-13, 週三

工廈

  • 媽媽Group聚會時,好多家長都會幫小朋友訂購主題服飾,全部小朋友都著一式一樣的主題衫仔,超得意! 嚟緊Halloween就有好多「扮鬼扮馬」活動,嫌淘寶啲Cheap嘢質地差無保證、又嫌Costume專賣店價貴食水深?

  • 對於媽媽來說,玩具、童裝開倉固然吸引啦!其實書店開倉都好正架,就好似今次Page One首次開倉咁,雖然無乜兒童書,不過都有好多精品做緊特價!

  • 又有開倉?都話媽媽係好忙架啦!尤其係FTM添呀,要買平嘢真係好忙呀!

  • 個人認為著情侶裝出街真係太招搖,反而親子裝就容易接受好多,尤其年紀愈小嘅BB,如果同爸爸或者媽媽著親子裝,成件事真係溫馨得多!

  • 玩具是陪伴小童的好朋友,所以家長在選擇時都要小心慎重,最好選購一些針對小朋友的年齡層的益智玩具,這有助他們身心健康發展。

  • 作為一個精打細算嘅媽咪,打理家中大小事務與及定期添置抵買又實用的日用品是例行公事!洗頭水、牙膏牙刷等日用品、個人護理用品等呢類消耗品由於要長期定期添置,正所謂小數怕長計,所以都要精明選擇。

  • 話說尋日咪介紹咗一間喺觀塘工廈嘅玩具店嘅,即係主打LEGO人仔但其實仲有好多特別玩具果間。

  • 香港店舖租金貴,小店要生存,不得不轉往租金較平的工廈。

  • 觀塘工廈區成日都有正嘢!只要花少少時間,唔怕穿梭於人多兵貨車多的工廈區,不難發掘到正鋪筍貨。

  • 0481

    我今年42歲,有個好老婆、3個正在外國讀書嘅小朋友、一個工人、一架車、兩隻狗、一間公司仔、十幾個員工。

  • 話說上月走訪葵涌,偶然被記者發現一家低至1折嘅開倉特賣場,見到平爆滑梯及超好玩廚房玩具後念念不忘。所以本月趁有時間,就再往上址探索最新行情。

  • 10931

    Billy Cool十幾年嚟買落啲工廈,等升值其間,當然係拎出去放租啦,最近喺觀塘一個倉庫要放租,就遇到一個「西客」,真係辛苦哂個agent。

     20191023 10931 01

    我講嘅呢位「西客」真係「西洋客人」,係外籍人士,佢要租Billy Cool個倉庫,本身個倉庫市價月租54,000左右,以多年放租經驗,都知道租戶一定會講價,所以Billy Cool先抬高少少個價,等對方還價,所以最初叫價為6萬。Agent一嚟,就話呢位外籍人士還價4萬。

     

    「嘩,一嚟就獅子開大口,低過市價咁多呀。」

     

    Agent先生就話:「我都知,不過嗰位外籍客真係好有心租你個倉,我都帶咗佢上嚟睇兩次。同埋,客人話裡面有好多嘢要拆,亦都好多嘢要整,佢話如果平到俾佢,佢裝修嗰段時間都唔需要免租期,仲有,呢排個市都唔多好,佢話生意難做呀,所以想控制到個成本。」

     

    Billy都係做生意嘅人,都明白佢呢套道理,見佢講到咁,心諗又唔係真係咁在意每月多幾千蚊,咁宜家個經濟真係差咗,做生意都吃力,於是決定收平少少。

     

    「好啦,你攞票上嚟啦。」

     

    「好呀!轉頭我會約實時間去拎票,之後再約你。」

     

    點知,隔咗一陣,阿agent先生call嚟,話:「Cool生,唔好意思呀,個客話想星期一朝早睇多次個倉。」

     

    「吓,之前咪睇過兩次囉,每次都仲要睇好長時間喎。」

     

    「係啦,佢比較謹慎,真係唔好意思。佢話星期一會俾埋票。」

     

    「睇唔緊要呀,問題係宜家已經係星期六晚,過多陣我都瞓啦。聽日就係星期日,我一早就帶小朋友出去玩,比較夜先返到市區喎,我點俾條鎖匙俾你呢?」

     

    「唔緊要,我聽晚過嚟搵你啦。」

     

    「咁真係辛苦你,明明放假,你都要陪小朋友啦。」

     

    「係呀,小朋友大得咁快,我都好珍惜同佢嘅親子樂時光,不過唔緊要啦,有時做嘢無計啦。」

     

    呢位agent先生個whatsapp頭像係個初生BB,所以Billy Cool之前都有同佢講湊仔經。

     

    到星期日,Billy Cool一早就帶埋老婆同阿女去離島玩,行下沙灘玩下水,黃昏後先回家沖個涼,之後落樓下食晚飯。其間,Billy Cool有同agent先生講,等佢安排幾時過來拎鎖匙。八點半,我哋食到一半時,就見agent先生匆匆忙忙跑到餐廳門前,Billy拿拿淋交匙俾佢。

     

    「辛苦你啦!食咗飯未呀?」

     

    「未呀,我宜家返去食啦,老婆等緊我幫手餵奶。」

     

    「咁快啲返去陪老婆同小朋友啦。」

     

    佢就急急腳走人,都明嘅,諗返起Billy啲小朋友仲係BB嗰時,我一做完嘢就歸心似箭,幾想即刻見到BB。

     

    到星期一,點知個客無交票,仲話要考慮幾日。嗰吓,Billy就feel到個客有啲似玩嘢,明明睇成3次,個價亦都係佢自己心目中個價,咁都仲要考慮?

     

    果然,過多幾日,agent先生打嚟,講:「Cool生,真係非常唔好意思呀,呢單應該搞唔掂。」

     

    一問之下,佢話個客直頭無聽佢電話,連message都唔覆。Agent先生表示一直都盡量滿足個客,個客又無話唔滿意佢,只可以話個客都唔係真係好有心租呢個單位。

     

    「辛苦哂啦,去搵其他客啦。」

     

    當日,Billy就收到另一個agent嘅電話,係一個agent姐姐,對方表示有客對呢個倉庫有興趣。咁Billy當然會叫返6萬呢個價啦,點知個agent姐姐就話個客叫價4萬蚊!又係4萬?有無咁啱呀?Billy再問清楚個agent姐姐,又係外籍西客!仲要啲terms一模一樣,不過加多一個request,就係叫我sponsor少少錢俾個客裝修喎。好明顯係同一個客啦!

     

    「吓,你都知個客個叫價已經比市價低咗一萬啦。」Billy心裡更唔舒服嘅係呢個客得寸進尺,明明之前個agent先生已經好為佢爭取,幫佢做咗咁多嘢,佢就一句唔該都無就起人飛腳,仲搵第二個agent嚟傾,Billy本身唔想再理呢個新agent,不過見佢態度又好好,又傾咗一陣。

     

    「係嘅,我當然知啦,Cool生個價真係好靚啦,不過個客話呢,真係生意難做。」

     

    後嚟,仲俾Billy問到原來個客仲request個agent唔收佢佣,即係剩收我呢邊佣!嘩,嘢就識叫agent做,佣都唔俾半個,搞到我都唔想再同呢個客糾纏,就同agent姐姐講:「咁啦,我私人出多三千蚊,你當係加你自己佣金又得,當係俾個客又得,你自己傾掂佢,總之就月租4萬蚊,收到票就約我簽約啦。」

     

    過多兩日,agent姐姐就話個客叫價月租3萬7千,嘩,之前4萬呢個價係佢自己提出嘅,Billy已經話OK啦,宜家無啦啦就再講價?Agent姐姐提議:「我都覺得減三千太多啦,Cool生會唔會考慮減五百,等個客快啲做決定?」

     

    Billy直接回覆:「我唔租俾呢個客,幾多都唔租,叫佢搵第二個單位啦。」

     

    Billy已經好唔滿意呢個客,第一,呢個客好無同理心,第一個agent做得幾好,仲為佢做咗唔少嘢,咁都要搵第二個agent去傾。第二,呢個客太唔合理,自己講完個價,又要反口。最後一點,Billy覺得呢個客做生意都唔會成功,佢花咗咁多時間同心力去講嗰少少價,不如花心機去搵錢啦。Billy都擔心將來佢生意失敗,租都交唔到呀。

     

    一句話:「凡事太盡,緣分勢必早盡。」

     

    作者:長腿爸爸Billy Cool(Facebook專頁按此)
       人稱工廈界Cool魔,十幾年前買入第一個工廈單位,賺到第一桶金,從此改變對財富嘅睇法:有生意當然要繼續做,但想賺大錢就要有準確嘅投資角度!