近日網友上傳嘅呢份數學題，並講明答案唔係25秒，再次引來一班網民埋頭苦思。

網上某群組嘅家長近日就上傳一張小一數學工作紙，指呢啲數學題(尤其係第六題)，真係咁細個就已經識做？

工作紙嘅題目係一啲三位數嘅加減題，有網民就話，第六題按正常計法先以「168-586」會出現負數，之後再加640先再轉為正數，但小一既小學生應該未學到負數，咁應該點做？有家長就答案係調位嚟計就得，即「168+640-586」，話其實唔算難。而三位數既加減法課題，有部份家長就話係小二先教，小一應該係做雙位數。不過好多家長都表示小一識都正常，佢地既小朋友好多都識做。

相比呢位憂心既家長，好多網民分享自己仔女既數學功課，話更難嘅都有。其中有位網民就話，以下呢份功課做到佢個囡囡喊，認為小一生根本理解唔到。

有網民就表示，以前係好叻嘅學校先有機會教快半年，而家好多學校都無顧及學生的能力﹗佢希望小朋友只要學習佢年紀應該識嘅知識，留D時間空間去探索呢個世界。

記得細個嘅時候，老師教過測驗考試就算唔識答都要盡量寫，博下有無分執到。日前網上群組就有位網友上傳咗一份數學測驗卷，聲稱隔離位同學因為唔識做，所以寫咗一大篇文嚟回答問題，不過，呢份係數學試卷喎…