2020-01-22, 週三

親子交流

  • 要寫得一手好字,其實握筆技巧亦佔很重要一環。執筆時姿勢或施力點不正確,除了令小朋友的筆劃不見輕重,亦容易令他們手部容易疲累。

  • 作為父母,要成為小孩子眼中的好父母,並引導他們成長,真的一點都不易。

  • 屋企廚房用嘅綠色網袋狀濾網,雖然小小一束毫不起眼,但唔好小睇佢,佢都可以好有用!

  • 白醋除了可以用於煮食調味,原來於清潔上亦用處多多,除了可以用於除污、去味,還可以殺菌除水垢。

  • 小朋友寫字不求寫得多漂亮,只要筆劃清晰,整整齊齊其實已經足夠。

    20170620 7106 B03

    但如果家中小朋友字體較為凌亂,其實坊間就有許多字帖,可以助小朋友練字,但這些字帖因字型不同,落筆施力點亦會有所不同,對於小朋友以後寫字習慣會有影響,家長應該如何挑選呢?

    毛筆與硬筆字大不同

    雖然都是以練字型為主,但因為兩種筆筆尖軟硬不同,技巧亦有所不同,雖然都可以改善孩子的字型結構,但亦建議家長以練硬筆對小朋友影響較為直接。

    字帖應選擇楷書為主

    字型有很多種不同選擇,但小朋友練字還是以字體端正的楷書為主。楷書亦有分很多種,除了大楷小楷,市面上亦有很多其他古代書法家的楷書字帖。家長可以購買臨摹紙,置於字帖上,讓孩子先跟著字型寫,這個過程可以持續一段時間,讓孩子熟悉字型結構及運筆。待小朋友運筆變得熟練時,臨摹的字亦開始相似時,便可以米字格紙,讓孩子彷著字型寫。

    練字過程忌操之過急

    練字是一件平靜心靈、修心養性的事,練字的成效亦需要時間,家長應該讓孩子於練習時放鬆心情,用心去寫,字數及時間不必過於限制,只要持之以衡便可。

    楷書硬筆字字帖推介

    香港近年書店亦可以買到許多台灣練字書,不過如果想再多一點選擇,家長可以上淘寶看一看,上面有許多不同的練字用品及帖紙供選擇,不過記得要留意所購買的是否繁體字帖!以下就推薦兩款較合適孩子的字型供家長參考:

    歐體

     20170620 7106 B02

    歐體出自歐陽詢,為唐代書法字,尤其精於楷書,字型較為瘦長,男女皆適合用於練字。

     

    柳體

    20170620 7106 B01 

    出自晚唐大書法家柳公權,與歐體兩者字型相似,但柳體字型更有力且方正,較適合男生練習。

     

    小朋友練字,主要是學習運筆,初初字體只要整潔清晰其實就足夠,他日只要足夠熟練,孩子的字自然會變得漂亮,因此子女練字時,家長不需要求孩子要寫得如字帖一般完美。

  • 對於新手爸媽而言,照顧BB其中一樣最頭痛嘅事,應該就係夜晚瞓覺﹗唔知點解BB越夜越精神,搞到大人都無覺好瞓…遇到以上情況,父母可嘗試幫助BB建立睡眠規律,等佢地喺晚上瞓得冧啲、熟睡啲,咁大人都有機會休息得好啲啦!

     【親子交流】5招令bb晚間睡眠更規則

    日頭消耗多啲精力

    初生BB一日中大部份時間都瞓覺,但家長可以係佢清醒時多啲同佢交流,鼓勵佢做吓一啲活動,同佢玩下,咁樣BB夜晚就會瞓得更好喇。

    建立合理睡眠時間

    由於新生BB需要餵夜奶,所以媽媽應該根據BB年紀同瞓覺時間,以設定有規律嘅作息時間。而媽媽應該要盡量令BB固定係呢個時間就寢,唔好經常提早或延遲。

    營造放鬆睡眠環境

    BB需要時間嚟培養睡意,所以在瞓前一個鐘,可以將燈光調暗並遠離嘈音,令BB的意識同身體可以漸漸放鬆。另外舒適嘅室內溫度都好重要,建議最佳溫度約15.6度至23.9度。

    偶爾用奶嘴作安撫

    如果遇上BB難以入睡嘅時候,媽媽可以俾個奶嘴佢試吓。

    睡前停止刺激活動

    就好似大人一樣,BB在瞓前如果情緒起伏太大(尤其係太興奮),都會無辦法即時瞓著﹗所以在準備睡覺前,就盡量減少刺激BB的行為(例如同佢地玩),等佢地可以快啲入睡。 

    最後,大家盡量都唔好同BB一齊瞓,始終嬰兒同大人同床睡覺會有一定的風險呢﹗

  • 別以為BB得幾磅人仔,抱上手就不用特別理會方法,其實日日抱住BB都會有機會勞損,亦會有過累的情況,稍一不慎更加會整傷手,繼上次陪月員Ada教完大家掃風方法之後,今次繼續教大家抱BB正確手法。

  • 網上某群組嘅家長近日就上傳一張小一數學工作紙,指呢啲數學題(尤其係第六題),真係咁細個就已經識做?

     【親子交流】數學三位數加減題

    工作紙嘅題目係一啲三位數嘅加減題,有網民就話,第六題按正常計法先以「168-586」會出現負數,之後再加640先再轉為正數,但小一既小學生應該未學到負數,咁應該點做?有家長就答案係調位嚟計就得,即「168+640-586」,話其實唔算難。而三位數既加減法課題,有部份家長就話係小二先教,小一應該係做雙位數。不過好多家長都表示小一識都正常,佢地既小朋友好多都識做。

    【親子交流】數學三位數加減題

    相比呢位憂心既家長,好多網民分享自己仔女既數學功課,話更難嘅都有。其中有位網民就話,以下呢份功課做到佢個囡囡喊,認為小一生根本理解唔到。

    【親子交流】數學三位數加減題

    有網民就表示,以前係好叻嘅學校先有機會教快半年,而家好多學校都無顧及學生的能力﹗佢希望小朋友只要學習佢年紀應該識嘅知識,留D時間空間去探索呢個世界。

  • 小朋友不似大人善於掩飾情緒,當開始出現情緒問題、無法自控,其實家長很容易從小朋友的行為上看得見端倪。

  • 日前有電視節目指時下小朋友唔識開罐頭引起話題,好多網民感嘆社會環境越來越好,家家都只生得一兩個,孩子又越來越受寵愛,自理能力變得不如舊時嘅小朋友。

  • 嬰兒的飲食需要特別注意之外,其飲食用品及用具都不可忽視。尤其幼兒每日都會接觸的奶瓶,大家選購時應該避免選用含BPA(即雙酚A)的製品較好。

  • 下個月就生啦,今個星期開始進行清胎毒工程,其實都幾開心,因為食嘅都係糖水,阿媽煲咗幾日腐竹蛋糖水、芝麻糊等,呢啲都係坊間流傳嘅清胎毒「美食」。各位媽媽及準媽媽,你哋又食啲乜嚟清胎毒呢?

  • 話說小編個BB臨近新年出世,同月媽咪Group都喺度傾緊究竟個B立春前後出世,生肖會唔同定初一已經當係雞BB。

  • 旅遊高峰期又到(不過其實而家日日都咁多人去旅行),如果想帶BB去旅行,家長記得要幫BB申請返個旅遊證件,申請時間約需三星期,想帶B去旅行記得盡早準備。

  • 兒童小腸氣,又稱小兒疝氣,是一種幼兒比較常見的疾病,一般發現後會選擇以手術方式治療,這種病只要治療得宜,孩子就很快可以恢複健康,但如果延誤診症導致病情惡化,情況可嚴重至腸壞死或不育!由於太年幼的小孩子並不懂得表達不適,因此家長應該要多為子女檢查,若有發現,盡早便就醫。

  • 要寶寶擁有健康的牙齒,家長要讓寶寶從小培養每天晚上清潔口腔的習慣。一般而言,嬰兒的門牙會在六至十二個月大時長出。當寶寶踏入三歲時,二十顆乳齒便會已經全部長出。當寶寶長出了上下門齒後,便可用嬰兒牙刷和冷開水替他刷牙。

  • 所謂禍從口入,所有會放入口的東西及用品都需要注意衛生。其中用於清洗碗筷的百潔布,長期經沖洗及接觸食物殘渣,所暗藏的細菌比想像中更多,因此相隔一段時間就應該更換。

  • 煮食時總會碰上要切辣椒的時候,切完雙手怎麼洗,總殘留著微微的灼熱感,不小心揉到眼睛就連眼睛都一陣辣意。

     【親子交流】切完辣椒雙手點樣解辣?

    其實「辣」是因為辣椒中的辣椒素沾到了皮膚,這種辣椒素並不溶於水,因此以冷水沖洗並不能紓緩症狀。那麼應該怎麼辦?以下幾樣廚房常見食材可以幫到你!

     

    凍牛奶可解辣消痛

    很多人吃辣時,都會喝牛奶解辣,牛奶中的蛋白質,可以消去辣椒素所造成的疼痛感,因此用牛奶洗手亦可有同樣效果。

    糖、醋可中和辣度

    醋的酸性,以及糖水的甜度,都可以中和辣椒的辣度,舒緩及減少灼熱疼痛感,因此大家切辣椒後,不妨嘗試以糖水浸泡雙手,或以醋水抹手解辣。

    以酒精溶解辣椒素

    以醫療用酒精、煮食用米酒等搓洗塗抹雙手,皆有溶解辣素椒的效力。

     

    不過其實最簡單是在切辣椒前戴上手套,便可以避免辣椒素沾上手,又或者於切辣椒前先於手上抹上食用油,切完辣椒後再將油洗去,亦可達到效果。

     

    圖片來源:Freepr

  • 大家好!又係我Summer啦!大家係咪好掛住我呢?我終於放完我個悠長產假強勢回歸啦!心情當然係難以平伏啦‧‧‧‧‧‧

  • 好多媽媽及未婚女性們都會脫毛,但小朋友脫毛你又聽過未?