2019-10-17, 週四

電子錢包

  • 10685

    話說史高治有個朋友,早排書展擺攤位,嗰陣佢忙到不得了,見佢呢期得閒啲,就約咗佢飲杯咖啡。

    20190819 10685 k01

    「喂,今年書展生意點呀?主辦單位話有近100萬人次喎。」
    「點會有呀?呃鬼咩!我同啲行家喺書展擺咗咁多年,目測都知今年少咗好多人啦!」
    「咁嗰次我同老婆阿女星期日朝頭早入書展,都覺得唔使點排隊,鬆鬆動動咁。」
    「簡直可以打保齡球啦。」
    「有無咁誇張呀?見你個攤位都有啲客。」
    「你嚟嗰時係朝頭早嘛,我啲客多數都好似你咁帶住小朋友,一到下晝,個個都急急腳走人啦,仲邊度有人帶小朋友入嚟,嗰日警察要遊行隊伍喺灣仔停,一吓子全部逼晒喺灣仔,帶住小朋友都會驚啦。」
    「咁又係,我哋嗰日行完,都拿拿林搭船去尖沙嘴。」
    「跟住星期日晚元朗又爆單大嘢,搞到跟住個星期一仲冷清,有啲人驚到唔敢出街,有啲人就無心情出街,仲有啲細嘅出版社個攤位直頭罷市。所以我先唔信佢話有近100萬人次!」
    睇嚟朋友啲生意都麻麻地,史高治都係轉吓話題。
    「呀,嗰日我入去時見到用AlipayHK買正價門票可以減5蚊。」
    「唓,25蚊先減得嗰5蚊,無咩用,我啲爸媽客好鬼精打細算,朝早入場先係10蚊雞之嘛。」
    「咁又係,我老婆都係寧願早啲出門口,都要買10蚊飛。」
    「不過如果講書展優惠,今次Payme比較矚目。我去咗另一間攤位幫阿仔買兩本科幻小說,嗰個攤位有得用Payme,買150蚊就減20蚊,呢個優惠仲吸引啦!我都即刻用咗,之後去Payme個攤位,因為要拎單去refund嗰20蚊,佢再送個遊戲幣俾我去玩夾公仔機,大家喺度夾公仔,吸引埋啲人去睇,呢個promotion正好多囉。」
    「咦,咁Payme今次型好多喎!同埋我喺銀行做,梗係撐香港銀行嘅App啦!」
    「Payme方便喎,同朋友食飯後夾錢,普遍都係鍾意用Payme,大家只會問人哋有無Payme,嘿嘿,而唔會問人哋有無AlipayHK。」
    「咁始終喺香港,用香港嘢係好正常呀。不過,呢啲支付平台都真係好有米,好似個AlipayHK買書展入場飛個5蚊擺明就係佢哋俾出嚟啦,如果100萬人入場都用AlipayHK俾錢,咁AlipayHK咪要俾成500萬出嚟?」
    「唉,邊有100萬人呀?」
    都係史高治唔好,又提起朋友嘅傷心事,都係唔好再講書展啦!
    「呀,呢啲支付平台為咗爭市場,都有唔少優惠,對我哋消費者嚟講,都幾抵吓,我見啲師奶仔好鐘意咁。」
    「都係嘅,咁有多幾個支付方法,消費者方便咗,又有啲著數拎吓,消費得開心啲,對我哋做生意嚟講都係有好處。」
    不過,史高治成日都諗,喺大陸就逼住要用AlipayHK同微信支付,根本唔用都唔得。但喺香港,就有好多選擇,信用卡又好,八達通又好,其實好方便,最緊要係用慣咗。除非好似Payme咁,搞到個個朋友同你食完飯,都問:「可唔可以Payme返你?」,咁自自然然拎市場佔有率。否則,其他新嘅支付平台真係要有優惠先可以吸引到消費者,都無咩loyalty可言。

    點都好啦,史高治支持消費者有jetso就盡拎,無jetso就唔好用啦,然後即管放長雙眼,睇吓啲jetso派到幾耐。

     

    作者:史高治叔叔
       後生嗰陣,大學一畢業就入咗大銀行商業部做Sales,跟一班有名有利嘅客人打交道,有時可以跟埋一齊飲飲食食,花天酒地、燈紅酒綠嘅生活,造就今日呢個身經百戰又識玩識食嘅嘅叔叔。不過自從做咗老竇之後,史高治叔叔修心養性,決定將行內鮮為人知嘅見聞,喺專欄裡面一一公開。

  • 上星期小編的whatsapp群組瘋傳,話只要裝個叫TNG WalletApp在阿信屋增值$200就即送$200,還說限量優惠,不少朋友都一窩風下載,連媽媽界都吹起一陣download潮。聽聞個App還可以幫手交水費、電費、煤氣費等,乜費物費都交到,好似好方便一樣。不過,原來話可以幫手交費,只係待客交費服務,並非由機構直接授權代收取費用。究竟用電子錢包有甚麼需要注意呢?

    【暗藏危機】電子錢包的陷阱

    這個聲稱是香港人的電子錢包的「TNG Wallet」,在上星期推出,由於與阿信屋合作推出增值$200$200優惠,短時間已吸納20萬人下載。相信當中不少人只是認為優惠吸引,沒有了解其背後潛在的風險。而其推出時就出現伺服器問題,及後又爆出機構沒有授權代收費,家長們在使用的同時,實應了解更多相關潛藏危機。

    【暗藏危機】電子錢包的陷阱

    繳費服務遲三天

    原來可以代交費用,意思是「TNG Wallet」會透過網上系統代交用戶繳付該商戶的相關費用,概念與一般服務式住宅替住戶繳交費用相若,而當中「一般商戶」(即暫時未與TNG Wallet達成伙伴關係的商戶,其中包括公共事業公司)費用之結算日期為3個工作天(T+3),假如你透過TNG Wallet繳費時,沒有足夠時間,便有機會遲交費用。

    【暗藏危機】電子錢包的陷阱

    沒有認可資格

    根據金管局資料,現時金融管理專員只認可一家特別目的的接受存款公司,其主要業務為發行「八達通」卡及 運作「八達通」系統。在該局監管職能架構下,TNG並不屬於持牌銀行、有限制牌照銀行及接受存款公司的認可機構。

    【暗藏危機】電子錢包的陷阱

    據報導指,立法會資訊科技界議員莫乃光表示,TNG有意申請牌照,現時仍與金管局商討中。不過,現時TNG仍然未受監管,建議市民衡量可接受風險,不要亦不應被短期優惠吸引,在電子錢包儲值太大金額。

    媽媽們在接受任何優惠之前,都謹記要小心看清條款或私隱政策,按自己能承受的風險行事,切勿因小失大!

     

    延伸閱讀