2019-12-13, 週五

頭泥

  • 來自加拿大的 Shoosha嬰兒有機品牌,專營純正天然有機的產品,更是全球首個嬰幼兒產品能完整通過USDA ORGANIC美國農業部食品級別有機認證。

  • 小編有朋友的BB剛剛出生兩個月左右,近來發現出頭泥的問題,引發一個小笑話,有朋友仲話自己個仔細個有頭泥時個頭好臭添。究竟有頭泥應該點護理呢?

  • 脂溢性皮膚炎又稱頭泥,好多BB出生後兩至三星期就會出現頭泥,黃色一大片,好似頭皮屑,天氣乾燥更加容易甩皮,嚴重嘅仲會有一陣「酸餿」嘅臭味。更有啲媽咪會忍唔住刮、搣、捽BB頭皮,但咁樣好容易弄傷BB頭皮流血!究竟頭泥點解會形成?要點樣處理好?

    20171025 7895 V01

     

    頭泥形成
    因為BB皮膚新陳代謝迅速比死皮脫落嘅速度快,而且BB油脂腺較大和分泌較旺盛,令頭皮容易出現微紅、油膩嘅小薄片或黃色嘅鱗屑,呢啲就是頭泥。

    而頭泥唔只出現頭上,原來面、眼眉同耳邊緣位置都會有,媽咪幫BB沖涼嘅時候要特別小心留意。

     

    處理方法

    其實「頭泥」係正常現象,唔係BB頭皮太污糟或者清潔不夠,所以唔需要特別去做治療,但如果家長擔心的話,都可以用清水替BB清潔皮膚,但如果頭泥太厚,可以用橄欖油或BB油塗抹於頭泥上,軟化後用BB洗頭水清潔,再用梳清理黏著頭髮上嘅頭泥。

    20171025 7895 V02

    不過如果情況太過嚴重嘅話,例如頭皮紅腫發炎,當然要及時找醫生處理。