【觀塘工廈】童裝女裝毛衣一律30蚊一件

今次介紹呢間童裝女裝特賣場就全場以冬季的毛衫為主，全場無論是細細件嘅男女童裝毛衣、或是大大件嘅女裝毛衣，通通一律30蚊一件，買滿10件仲有嘢玩添！

現場目測加手觸測試毛衣質地軟熟，加上現場超過幾百個款式，慢慢揀真係有排睇架！老闆娘仲話：「我哋個個星期都有新貨返，熟客知就識隔一排再嚟揀新貨！」

女童披肩超靚！有大人款我都會買！

幼童外套仔

貓仔圖案

文青款

Fake print款，好Fashionable！

聖誕老人冷衫好有節日氣氛。

印花圖案嘅款式都有好多選擇。

呢件好似手織咁，好classic！

呢件衫仔現場睇真係好得意架！

橫間外套仔容易襯衫，著去面試都唔失禮。

女童冷裙仔有可愛款。

斯文款又有！

聖誕Feel毛衣及連身裙，參加Party最啱！

連身裙仔真係好可愛。

女童外套仔由2歲至5-6歲Size都有。

超多款式選擇。

過百款女裝毛衣都係30蚊一件。

大量針織薄外套，啱晒而家天氣著！

留意返，呢間特賣店雖然真係啲冷衫真係好平好抵買，不過佢哋嘅營業時間好騎呢！假日唔開不特止，平日亦只有星期二及星期四營業。除非你喺附近返工Lunch偷時間去，或者你係FTM好得閒啦，否則都幾難夾啱時間上到去掃貨。

地址：觀塘鴻圖道63-65號鴻運工廠大廈12樓C座

營業時間：星期二(11至7pm)、星期四(11至5pm)