【日本7-11限定】超好味白蘭地朱古力雪米糍

咁日本7-11就喺12月初推出咗一款日本樂天白蘭地朱古力雪米糍「濃厚生チョコ 芳醇ショコラ」。然後咁啱我又喺上星期飛咗去日本一轉,咁當然就唔好執輸去7仔度搵下有冇啦!登登登櫈!結果係有架!228円(連稅),兌番港幣係10幾蚊,即買!

【親子飲食】超好味白蘭地朱古力雪米糍

日本7仔限定「濃厚生チョコ 芳醇ショコラ」,連稅都係228yen咋!好抵!

【親子飲食】超好味白蘭地朱古力雪米糍

打開就見到一盒兩粒嘅雪米滋(仲有支叉仔),朱古力皮糯米滋皮上面有朱古力粉,拮開入面嘅朱古力雪糕中間夾住一層白蘭地朱古力醬。

20161219 5553H003 1

雖然我哋食果一刻佢已經融融地,拮開時個賣相麻麻地(可以睇番我哋條片),但個味仲係好正!超香濃朱古力加酒味,甜度適中,食完係絕對唔會有cheap cheap朱古力果種黏喉同甜膩嘅感覺,總之超好味啦!係要encore果隻!

【親子飲食】超好味白蘭地朱古力雪米糍

同場仲見到Haagen-Dazs都出咗隻限定雪糕,就梗係順便都買埋試下啦!連稅售449yen。

20161219 5553H005 1

試完之後,都覺得係好食嘅,綠色雪糕係開心果味,中間夾住士多啤梨醬,不過相比白蘭地朱古力雪米糍,呢款就明顯比下去。

【親子飲食】超好味白蘭地朱古力雪米糍

仲有呢款連稅都係75Yen嘅波子汽水味雪條又係正到爆!

【親子飲食】超好味白蘭地朱古力雪米糍

75yen咋,即係幾蚊港幣!

【親子飲食】超好味白蘭地朱古力雪米糍

一拆袋已經聞到好香波子汽水味,抵食!

【親子飲食】超好味白蘭地朱古力雪米糍

至於呢兩款Joel Robuchon士多啤梨同朱古力味嘅雪條都係最新出嘅口味!

田叔叔英語閱讀計劃2023-24
田叔叔英語閱讀計劃2023-24
 親子最關注
香港優質教育機構巡禮 2024