【家庭上車盤】吊腳新居屋就唔揀?粉嶺山麗苑有5大賣點

新居屋出爐後,對粉嶺山麗苑的討論大多一個字:「遠」!但所謂百貨應百客,因為屋苑最「山旯旮」,造就項目的獨特性,說不定會好快集齊識貨之人呢!正因如此,今次將會探討項目5大優點!

 

1. 樓價最平,6萬元首期邊到搵?

【家庭上車盤】吊腳新居屋就唔揀?粉嶺山麗苑有5大賣點

山麗苑聚焦上車客,開則上亦有配合,全部單位開細則,合共800多個單位在300呎內,加上平均呎價僅約5,443元,造價大批多單價錢百多萬有交易,最平一個單位低至123萬元,配合9成半按揭,首期低至6萬元,仲唔係平通街?租緊樓的家長可以平平地「上車」先,日後再計劃下一個物業投資。

 

2. 位於邊境位置,往返國內超方便

【家庭上車盤】吊腳新居屋就唔揀?粉嶺山麗苑有5大賣點●香園圍邊境管制站今年8月底啟用,途經粉嶺的人流和車流將會大增。

 

山麗苑位於粉嶺,坐車10分鐘可前往粉嶺站。如果自己駕車,亦不乏跨境路線選擇,當中包括近日落成的香園圍公路等,往返國內最方便。除適合一眾需要不時出入中港兩地工作的上班一族,家長可以趁周末或長假期帶小朋友到國內休息和玩樂,是不錯的選擇。

 

3. 空氣清新,環境優美,有利仔女健康

【家庭上車盤】吊腳新居屋就唔揀?粉嶺山麗苑有5大賣點● 流水響郊野徑位於八仙嶺郊野公園範圍。

 

選擇得山麗苑,就應該預計大部份單位可睇到綠洋洋山景。不過大家可能未必知,屋苑旁的環境才是賣點,鄰近八仙嶺郊野公園,可以隨時一家大細親親大自然,多到郊野呼吸新鮮空氣同出外活動,對仔女身心有益;如果想了解香港「前世今生」,可以與仔女遊走龍躍頭文物徑,必定為一堂難忘的歷史課,展開親子話題。

 

4. 提供逾3,000伙,單位戶型選擇多

【家庭上車盤】吊腳新居屋就唔揀?粉嶺山麗苑有5大賣點

山麗苑提供3,222伙,面積介乎278至451方呎,戶型選擇相當多,適合不同家庭選購,如果單人戶,可以選擇200多呎單位,享受私人空間,如果略為追求居住空間,亦有超過1,000伙超過400方呎的單位予買家選擇,適合一家幾口生活。

 

5. 屋苑設施多,最啱子女放電

【家庭上車盤】吊腳新居屋就唔揀?粉嶺山麗苑有5大賣點

買樓不是單單買「單位」,同時亦購入屋苑的配套,讓家人即使放假,亦可留在屋苑享受親子樂。由於山麗苑的興建範圍相當大,因此屋苑設施較同期3個新居屋亦最多,設有籃球場、羽毛球場、乒乓球場、4個兒童遊樂區,以及3個園景區,為大人小朋友提供休憩空間,可謂應有盡有,最重要是小朋友有足夠空間「放電」。

 

註:粉嶺山麗苑位於前皇后山軍營用地,曾經被政府放入勾地表內供發展商作申請起私樓,幾經波折後決定興建公屋,項目設有六座大廈,提供3,222伙,面積由278至451方呎,售價123萬至272萬元。

【家庭上車盤】吊腳新居屋就唔揀?粉嶺山麗苑有5大賣點

田叔叔英語閱讀計劃2023-24
田叔叔英語閱讀計劃2023-24
 親子最關注
香港優質教育機構巡禮 2024