【真實用家分享】環保尿布好唔好用?

話雖如此,50個媽媽中,都或有機會有一個媽媽會讓子女使用環保尿片,而今次我們就找來正在讓BB使用環保尿布的媽媽Mandy同大家分享一下用後感。

【親子專訪】環保尿布好唔好用

傳統紙尿片

【親子專訪】環保尿布好唔好用

某品牌的可洗式環保尿布

相信絕大部分嘅媽媽都購買紙尿片給BB使用。據統計,一個嬰兒平均要用約 7,000 條紙尿片,但由於紙尿片內的塑膠於焚燒後會釋出二噁英,所有紙尿片皆要送到堆填區內待自然分解。

全球每年就有近10 億塊紙尿片送往堆填區,然而這個分解過程估計需時長達 500 年,並嚴重污染泥土、地下水等天然資源。

【親子專訪】環保尿布好唔好用

Mandy的BB正使用的環保尿布(如圖)。

原以為正在讓BB使用環保尿布的媽媽Mandy會說出環保尿布的大量優點,誰不知答案卻有點出人意表。Mandy稱:「如果你問我好唔好用,我其實覺得只係普通,因為每次用大概兩個鐘左右,就要換。如果唔勤力啲換係會漏的、件衫會濕。」Mandy更指BB試過因為「Up得耐」而令Patpat紅,出尿布疹,令到她非常緊張。她稱:「相比起紙尿片,我覺得紙尿片的吸濕能力好啲、就算濕咗都好清爽,但我果隻環保尿布就一濕咗就會『Up住』!」

【親子專訪】環保尿布好唔好用

至於很多用家關心的清洗方面,Mandy就說其實都幾容易清洗,每次清洗時只要先沖水、浸水,再用BB洗衣液來清洗尿布就可以。問及尿布上會有留有污積,她就指沒有,整體來說都算容易清洗。不過如果使用過夜,朝早尿布散發出的味道會非常「濃烈」!

【親子專訪】環保尿布好唔好用

Mandy稱,環保尿布比較「大舊」,穿上後BB會好似唐老鴨!哈哈!

咁究竟點解當初Mandy會讓BB使用環保尿布呢?Mandy就指:「當然係想環保,但其實我係喺BB展時買架,而家諗返起都覺得畀人呃咗,我買咗千二蚊呀,好貴呀!」

嗯,所以正考慮使用環保尿布嘅媽媽,都不妨參考真實用家Mandy嘅分享,個人認為佢嘅分享非常貼地,有實際嘅參考價值。

田叔叔英語閱讀計劃2023-24
田叔叔英語閱讀計劃2023-24
 親子最關注
香港優質教育機構巡禮 2024