【珍寶豬欄】唔好咁心急啦

20160930 4767 000

睇完醫生後,又到我發揮我所長嘅時候啦!岀藥啦!

媽媽望見枱上有幾枝色彩繽紛嘅藥水,開始面頰抽搐

我都未講啲藥點食,媽媽已先聲奪人:「駛唔駛咁多藥呀?」

媽媽逐枝藥拎上手睇:「呢枝乜嚟㗎?一定要食㗎?呢枝又係乜呀?要食哂呀?」

媽媽,你俾啲時間我啊~我哋不如慢慢嚟,慢慢了解吓先,唔好咁心急啦。

我:「等我講解咗啲藥點食先,慢慢嚟啊,有唔明再問好冇?」

媽媽就似乎天性敏感,一撻就著:「我咪問緊你呢啲係乜囉!」

係藥啊皇后!人嚟!備銀針!唔係插我呀~係插佢呀!

我:「唔駛急,我逐樽逐樽講你知啊~」

媽媽:「你嗱嗱聲講完我就俾佢(囡)食啦,做嘢爽啲手啦,最憎人做嘢咁慢,好似岀糧俾你hea咁!我俾錢你唔係要咁嘅服務㗎!」

都唔係好慢啫,由你岀房到執藥再俾醫生check藥,之後再送到你眼前,都唔夠八分鐘,你有冇顧及過我呢啲試過等藥等一個鐘嘅人嘅感受?不過由呢一秒開始,為咗確保你唔會愛上我,我願意化為一隻肥嘟嘟嘅蝸牛,感動冇?

我:「啊~啲藥就四個鐘一次嘅,咁就一日食四次啦,四個鐘一次,瞓咗覺就唔駛食㗎啦。你知啦,休息好重要㗎嘛,瞓夠先有力打仗嘅。咁點食法呢,就四個鐘逐樽食,你見唔見到個匙呢度有啲圈,有啲數字咁?你望吓先呀,呢度呀,睇唔睇到數字啊?吓?吓?」

我等唔到媽媽答我睇唔睇到啲數字,我抬頭望吓媽媽:「太太?睇到嗎?呢度呀?」

媽媽:「見到」

我:「咁呢,就呢樽嗰樽同呢樽逐樽開咗佢,每樽倒5ml岀嚟,即係一格,即係匙嘅中間圈。中間喎!咁呢枝係收鼻水

媽媽討厭我了,打斷我嘅說話:「你有寫哂喺label度,我自己睇得啦。你俾個袋我得啦!」

我:「我未講完啊

媽媽:「得㗎啦,我自己識睇㗎啦。」

陪多我一陣啦?

田叔叔英語閱讀計劃2023-24
田叔叔英語閱讀計劃2023-24
 親子最關注
香港優質教育機構巡禮 2024