【坐月的迷思-沖涼篇】真係成個月唔沖得涼?

 

坐月的迷思-沖涼篇

坐月真係唔可以沖涼?

無論生唔生BB都好,都一定聽過坐月唔沖得涼呢個說法,但到底係未一定要跟從呢?沖同唔沖有咩影響?相信係好多產婦迷思。

 

忍左幾多日先沖涼?

其實由陣痛到起產房出力咁生阿B時候,已經爆到成身大汗,成件醫院袍都濕哂,不過由產房出黎個刻起已經係開始左坐月既日子,唔掂得生水,唔沖得涼,唔洗得頭,目的都係為咗避免坐月時冷親,產後病咗係會長手尾 。
平時一日唔沖涼洗頭都難忍,依家比平時更唔乾淨,真係好唔舒服,而且身體同頭皮既分泌係愈來愈多,積累得多的確好唔衛生,最怕有菌,唔係好適合親近照顧BB。
於是捱左兩星期左右,我決定沖一沖涼。

 

坐月的迷思-沖涼篇

用咩沖涼先適合?點樣唔入風呢?

當然啦,起無沖涼既日子,我係有用藥材水以毛巾抺身,所以沖涼既話,我都選擇左用藥材水沖身及洗頭。同時,我喺BB展買定有老薑成份既沐浴露及洗髮水,務求唔好太入風,善用老薑的驅風功能保護自己。為免著涼,我沖涼時每一步都小心翼翼,先沖洗上身抹乾,再洗其他部位,穿回衣服後先洗頭,吹乾頭髮先出浴室,咁就可以避免因沖涼而著涼啦。

 

 

中醫與西醫的意見

產後我問過中醫與西醫「幾時可以沖涼啊?」
我的婦產科私家醫生就話可以沖架喇其實。中醫師就表示還是以薑水抹身吧,始終普通水沖涼會易入風。於是忍唔住想沖涼我就以藥材水沖身及洗頭,熱熱地,成個精神番哂,湊B都舒服啲。

大家產後又係幾時先沖涼呢?雖然好似好少事,但對於身子與精神都弱咗產婦來說,任何事都好重要,唔病得,如果唔係點照顧BB呢?

 

坐月的迷思-沖涼篇

作者:Teresa mama

一年內結婚生B完成人生大project,但驚覺才是人生新開始的在職媽媽

田叔叔英語閱讀計劃2023-24
田叔叔英語閱讀計劃2023-24
 親子最關注
香港優質教育機構巡禮 2024