【媽媽訴苦】商場保安惡言驅趕 要餵奶請到戶外公園

 20161013 4856 000

近年香港商場都開始意識到不能忽視這群媽媽的需要,很多商場都設有育嬰室方便家長使用,但唯獨供不應求,繁忙時段常常要等候!而這位媽媽於網絡撰文大吐苦水,事發當日由於女兒實在太肚餓,等不到育嬰室使用,因而發生了以下的不愉快事件。

媽媽網絡分享全文如下:

好嬲嬲豬!
頭先我同個女去荃灣廣場行街街 遇到非常差既對待。真係不吐不快!
話說我個女2點零扭肚餓,麥當勞又無位可以比我餵奶。 我問荃灣廣場既保安定唔知PR既人係邊度有育嬰室可以餵奶,佢話L2至L4係toilet位置都有。 咁我去到見層層都有3個BB係度排緊隊等緊,而丫女已經接近瘋狂咁喊扭肚餓。見到L5有比人休息既chair我無辦法之下我就同個女上去5樓餵奶。 


正當啱啱開完奶準備餵奶就有兩個男保安衝上黎話呢度唔可以餵奶,只係比人坐底休息。要餵奶就死返落去育嬰室! 你地無睇錯佢真係用死返去咁同我講! 

我話育嬰室好多BB等緊所以我先會係度餵奶。 佢竟然答我唔關佢事,邊個叫我帶BB出街,帶得BB出街呢D風險就要自己承包。 
我話咁我可以係邊度餵奶,佢話出面個公園可以餵奶因爲唔係佢地商場負責。
就係咁我同個女比佢地逼左我地出去公園熱辣辣咁餵奶。 丫女一路飲奶一路扭,因為真係好熱的!
咁大一個商場竟然有D咁既職員! 可恥!
我勸各位媽媽唔好帶BB去荃灣廣場啦,避免有D不公平既對待! 真係會嬲到喊嫁!

我們亦有跟進事件聯絡荃灣廣場,職員告知如育嬰室多人輪候,媽媽都可以於商場內的合理位置餵奶,只是不太建議,以免發生尷尬事件!如上述事件屬實,不排除只是涉事保安態度有問題,而且做法亦太過不近人情!

田叔叔英語閱讀計劃2023-24
田叔叔英語閱讀計劃2023-24
 親子最關注
香港優質教育機構巡禮 2024