【真假莫辨】高層校內組織巡邏隊 學生托眼鏡都俾人鬧

20170213 6069 a1

帖文學生認為巡邏隊嚴重影響干擾課堂,更有矯枉過正之嫌。巡邏隊除了會留意同學有沒有把水樽擺枱面、瞓覺外,連一些雞毛蒜皮有如托頭、「打喊露」、翹腳等都不行,更有同學連托眼鏡都被訓話。最可怕的是不排除巡邏隊有記名,作事後追究。

受巡邏隊影響的不止學生,文章更指出老師都要擔驚受怕地教學,校方有口頭要求老師不應坐下教書,連懷孕的老師也要先寫信申請才可豁免!導致老師有時使用電腦都寧願彎腰也不敢安坐。

總括來說,這位匿名學生指責校方的手法不但無法改善情況,反而引申出更多問題,水樽不擺枱面和老師坐不坐,對教學質素到底有何關聯?有不少網民更諷刺該校教育變成「教獄」。

而該校校長回應其他傳媒時指出,認為此文章有誇大成份,並否認指控,但卻承認一直有巡邏隊的做法。相關報導一出,不單止未有擺平指控,變相更多網民加入討論,更有校友以個人親身經歷提醒在該校就讀的學生要小心在網上發言,尤其是提及學校壞話,校方為保聲譽必定會追問。

20170213 6069 a02

不過我們都不應單靠網上的片面之詞作批判,知道真相的或者只有在校學生,假如真有其事,校方應該盡快檢討,不要再矯枉過正!

指控全文如下:

我校一直被戲稱為九真女子監獄,但我地萬萬估唔到,原來我地真係有變成監犯既一日。 由呢個星期開始,我地學校就多咗一隊巡邏隊,由高層人士組成,係上堂既時候會圍繞成間學校巡邏睇我地既上堂情況。呢個都唔係問題,但最困擾既係佢地嚴重干擾課堂既進行。呢啲高層曾經一堂最多經過個課室四次,佢地會係門口同窗口望入嚟,睇下學生有冇將水樽擺係枱面、訓覺、做其他野、托頭、打喊露、翹腳等等,甚至有同學連托眼鏡都俾人鬧。佢地會將呢啲情況mark低,事後可能記名。佢地甚至會上上吓堂拍門捉人打喊露、話個班房太亂要學生執好佢,嚴重阻礙課堂進度,影響日常教學。 高層睇既唔止學生,仲有老師。佢地口頭要求老師上堂時唔好坐低(另一說法為坐少啲),我地都一堆黑人問號,到底唔俾坐低教書同教學質素、課室秩序有咩關係呢?學生每日坐係度上最少八堂都覺得好攰,更何況係老師企係度上足全日?更重要既係,我校現時有兩位懷孕超過八個月既老師,以及不久前接受過治療或開刀既老師,佢地如果因為有生理問題要坐低教書,就要寫信向高層申請。我地聽到都O曬嘴,坐低呢個最基本、連北韓都有既權利,竟然係我校成為一種奢侈。有老師寧願彎腰㩒電腦都唔敢坐,亦有老師未坐到落張凳就因為有高層行過而即刻彈返起身。當受監管既對象唔再止於學生,連老師都要擔驚受怕咁教書,究竟呢間學校變成一個咩世界? 訓輔組執行呢一連串行動既原因仲可笑,據稱佢地係因為某班發生作弊及欺凌事件所以覺得要對各班嚴加監管。首先,其中一班既一小部分人犯錯點解要全校嚟承受?其次,上堂時已經有老師維持秩序,正常既欺凌者都唔會揀上堂既時候嚟欺凌人啦下話?另一個原因係要維持樸素既學習氣氛,難道校方認為老師企係度教書、唔擺水樽係枱面就可以達到呢個效果?點解學生打喊露唔係覺得佢地好攰好辛苦而係要記名?初衷再好,用呢啲高壓手段管理學生都係唔會令我地有所改善,只會惹起民憤。 你可能會話「平生不做虧心事,半夜敲門也不驚」,但當你連打個喊露呢啲正常生理反應都可能會俾高層記錄在案,你又有咩可能唔驚?每當有人係課室外行過,我地都會以為係巡邏隊,其實對師生都構成好大既心理壓力,更損害課堂質素。 「社會係學校既縮影」呢句話真係講得冇錯,學校正正令我知道呢個社會有幾黑暗幾獨裁幾冇自由。當我以為check bra顏色已經夠過分,原來呢個世界仲有啲更離譜既事。學校本身既校規已經唔係寬鬆,俾學生既壓力已經好大,依家再搞啲咁既野出嚟,係咪想令更多人吃不消?將呢件事寫出嚟係想引起更大既迴響,令學校停止呢個高壓政策,還學生一個正常既學校環境。

圖片:網絡截圖

田叔叔英語閱讀計劃2023-24
田叔叔英語閱讀計劃2023-24
 親子最關注
香港優質教育機構巡禮 2024