【拍埋片畀前妻】女童撕離婚協議書遭父吊打

近日四川就有一位8歲女童因為百厭,被親生爸爸吊起嚟打。其父更將情況拍成影片,用手機通訊軟件分享畀前妻睇。

20170506 6751 B03 

呢位8歲嘅小妹妹,父母離異,由爸爸負責撫養。日前,就因係屋企玩時,整爛咗屋企嘅藥酒同蒜苗,又整亂屋企、撕爛咗父母份離婚協議書。爸爸發現後大怒,一氣之下用手開始打囡囡,之後更將佢用繩吊起,拍咗10秒影片畀前妻睇,才將囡囡放低。前妻隨後將影片轉載於社交軟件上,引起網民熱切關注。

內地公安對此已立案調查,並進行心理及身體檢查,初步身體無傷痕,情緒亦穩定。對小朋友而言,相信呢件會係好深刻嘅事…爸爸吊起自己拍片、媽媽又將影片放上網…真係令人心寒。希望佢哋兩位父母可以錫多啲個囡囡啦。

田叔叔英語閱讀計劃2023-24
田叔叔英語閱讀計劃2023-24
 親子最關注
香港優質教育機構巡禮 2024