【男女有別?】吉林3歲男童身高過高 被禁隨母入女浴池

日前,吉林一名婦人於社交媒體投訴,指自己近日同自己個女加3歲外孫去公共浴池沖涼時,外孫因身高超過90厘米而被拒進入女浴池。婦人指自己當時已向澡堂解釋,話外孫只有3歲,只係生得太高,加上外孫父母早已離婚,目前於部隊服役,無法帶佢入男浴池,但依然遭到澡堂經理拒絕入內。

 20180109 9699 B01

婦人認為浴池經理處理方法太不近人情,惟浴池經理解釋指佢哋一向有規定,小朋友超過90厘米就唔可以進入,加上認為其他家長見男童入女浴池亦會反對。事件引起好多內地網民熱烈討論,好多網民都認同浴池經理做法:「浴室裏還有小姑娘呢,困難要自己想辦法解決,不要強加於人」,不過都有網民認為浴池可以多隔出一兩間房畀親子用:「浴池不會設置一個單間嗎?夫妻倆人一起洗都可以,難道一個三歲的孩子解決不了?」

 

其實就算爸爸湊囡出街,或者媽媽帶仔行街都好,總會有類似嘅唔方便時候,除咗爸媽們盡量搵方法解決同避免之外,如果社會上多啲設施可以解決呢啲問題就好啦…

田叔叔英語閱讀計劃2023-24
田叔叔英語閱讀計劃2023-24
 親子最關注
香港優質教育機構巡禮 2024