新年又就到啦,不過就有人歡喜有人愁!有唔少家長都會煩緊唔知點處理小朋友d利事好,又有家長擔心仔女係拜年果陣亂講嘢,不過以下呢位家長就似乎比較在意小朋友食到d唔應該係嘅嘢!

香港人近年健康意識真係強咗好多,菜要食有機,自己煮要用橄欖油!所以對自己小朋友嘅健康都更加注重,不過呢位媽媽就誇張咗少少,竟然事先係新年前係Facebook呼籲親戚朋友嚟拜年果陣唔好比零食、汽水之類嘅嘢佢小朋友。

 

 

20170120 5868 a2

不過講就簡單,就算親戚唔比事主小朋友食或者飲呢類唔健康食品,同場一定會有其他小朋友會照飲照食,到時都難以向小朋友解釋。雖明白小朋友仲細,未必明白食呢d嘢嘅壞處,但家長呢個方法似乎有些少「斬腳趾避沙蟲」,拜年始終都難以避免接觸此類食品,家長應從教育著手,或自身做個好榜樣。如果小朋友問起,家長決意強硬地「不可以就是不可以」,那麼根本無需出文要求親戚注意,反正你都打算用強硬手段。

20170120 5868 a1

圖片:Charlie Kwan

同埋用呢個方法間接將親戚冠上「壞人」角色,小朋友見到親戚係人都派糖,但係唔派比自己果陣,親戚又唔好意思講係你啊媽唔比!唯有硬食做「衰人」,影響將來小朋友同親戚關係,實在唔係一個可取方法。

所以與其同親戚講唔好派糖不如係拜年前同仔女講定可以多謝長輩好意,但唔好食太多,反而係最好方法!小朋友嘅人生路仲有好長,路上充滿各種引誘,呢位家長嘅方法擋得到幾多?

同埋以效率嚟講,要實現呢位家長嘅做法可能每次拜年都要同幾十個親戚溝通好,你認為同幾十個親戚夾埋容易d定係教好一個仔女易d呢?答案好明顯吧

圖片:網絡截圖

會員評分: 0 / 5

不啟用星號不啟用星號不啟用星號不啟用星號不啟用星號不啟用星號
 
×