2019-09-17, 週二

【教育局回覆本網】迦南幼稚園退學補學費事件

日前,本網報導在媽媽Whatsapp群組中收到一篇關於有家長幫子女退學,卻受到學校職員以惡劣態度對待,職員更聲稱家長手冊有條款寫明退學是要補交一個月學費,但家長向教育局投訴後,回覆家長證實學校手冊並沒有類似條款!

本報隨時致電該校及教育局作進一步了解。

Whatsapp流傳文章:

今朝11點左右,我打電話去黃埔“迦x”幼稚園退學,對話如下:

我: 唔好意思,我係xxx媽咪,我想幫阿囡辦退學

主任: 得! 你補番一個月學費俾我。(態度不友善,情況好似你好憎你老細,你要炒你老細,你老細好串咁答你:你要走得,補錢俾公司)??

我: 吓! 點解要補一個月?

主任: 你簽左名

我: 請問我幾時簽左名?邊度?點解我唔知?有回條俾過我?

主任: 你喺手冊簽左

我: 請問手冊邊一頁?

主任: 手冊裡面

我: 我手冊淨係簽過學生資料、兒童健康狀況

主任: 總之你就要補一個月

我: 得! 我需要向教育局求助

主任: 好,你咪打去咯,打去都係一樣 (態度及語調係仲串過之前100倍)

我: 我唔介意你地收錢或罰款,但最基本你要事前通知我,而唔係我不知情下俾錢

主任: 手冊寫左,你簽左名,要走補一個月

***

我打去教育局有關部門對話:

我: 我剛才致電黃埔“x南幼稚園”退學,但學校要我俾一個月通知金

教育局: 我地有指引俾學校遵守,但學校亦需要咨詢家長或通知家長,呢件事我馬上打去學校搵校長跟進

《隔左約30分鐘》

教育局: 已經查左,手冊無呢項條款

我: 所以我話我無見過亦無簽過,點解佢話有?

小編就事件向校方查詢,但職員回覆不會就以上事件作任何回應。

為求查出事實真相以及取得更多資料,小編隨即去信教育局了解事件,並取得教育局書面回覆。

小編同時去信教育局就有關事宜作出查詢,並得到以下書面回覆。

 

就你的查詢,教育局發言人回覆如下:

教育局已就事件向該幼稚園了解有關情況,並清楚表明如學生在該月份未有上課,校方不得向學生家長收取該月份的學費。如學生已經繳交學費並於上課月份中途退學,校方須清楚向家長說明有關處理學費的安排。校方已答應通知家長,不會就需要一個月前通知退學而額外收取一個月學費。

教育局新聞組

温兆倫

20161004 4789L 004

 

【獨家跟進教育局最新回覆】迦南幼稚園退學要補回學費事宜

×