記得細個嘅時候,老師教過測驗考試就算唔識答都要盡量寫,博下有無分執到。日前網上群組就有位網友上傳咗一份數學測驗卷,聲稱隔離位同學因為唔識做,所以寫咗一大篇文嚟回答問題,不過,呢份係數學試卷喎…

條問題係要承接上題嘅答案,再假設如果利潤係每公斤分別$60同$50,問啲咖啡豆賺唔賺到$700利潤。而呢位同學就答咗一大篇文,去解釋點解覺得咖啡店老闆賺唔到$700利潤,例如係呢個價錢啲豆既質素唔太好、豆嘅數量咁少賣完間店就無賣等等,最後更指唔清楚間店既客流量有幾多,所以邏輯上嚟講,係無可能知佢利潤有幾多。

 【親子趣聞】答數學題變咗寫論文

有網民就笑指呢位同學份測驗應該都幾多唔識,有咁多時間寫長文。但都有網民話佢內容都幾有道理嘅,指呢份係傳說中嘅數學Writing卷。

【親子趣聞】答數學題變咗寫論文

雖然份卷搞笑成分居多,但好似某啲網民話齋:「試過,總好過空白一片咁交卷,起碼觀感上無咁核突吧!」

會員評分: 0 / 5

不啟用星號不啟用星號不啟用星號不啟用星號不啟用星號不啟用星號
 
×