翻版小Edan｜兒童真人騷11歲蔡施齊自認貪靚　拍廣告朗誦扮「兒登」盡得神髓！

11歲小6生蔡施齊早前參與TVB的兒童真人騷《成人教科書》，原先在節目中他是希望打扮成MIRROR成員Anson Lo，但意外地卻更似Edan而成為網上熱話。近日施齊接拍米線餐廳廣告，模仿Edan小時候的朗誦片段，搞笑非常，令他的人氣火速急升！

男仔都可以扮靚

TVB的兒童真人騷《成人教科書》由洪永城主持，希望透過節目帶小朋友面對各種校外體驗。節目嘗試探討「男女」、「生死」等人生課題，其中一集以「愛美的男生沒有罪」為主題，找來11歲小6男生蔡施齊來個外形大改造。

節目中，施齊表示自己「幾貪靚」，而負責男士形象的創意總監問他知不知自己「邊邊面靚仔啲」時，施齊一口回答「右邊」，看來年紀輕輕的他已非常有sense！最搞笑是施齊希望自己可以打扮得像MIRROR成員Anson Lo（盧瀚霆），但經一番改造後，不少網民卻認為他更似MIRROR另一成員Edan（呂爵安）。

接拍米線廣告　模仿小Edan朗誦

節目出街後，本地連鎖米線餐廳即邀請施齊拍攝廣告。施齊在廣告中正正是模仿Edan小時候的朗誦比賽片段，他的舉手投足都學到十足十，無論是向上望、踏前踏後的「功架」都與Edan小時候十分神似，一眾網民都笑稱施齊「神還原」、「呢世都似唔到Anson Lo了」。

施齊媽媽通情達理　原來是深水埗小學校長

施齊除了和Edan一樣靚仔，本身就讀九龍區小學的他亦如Edan般品學兼優。他曾參加中華少年兒童電影配音大賽奪得優異星獎、校際田徑比賽跳遠季軍等；原來他的媽媽更是深水埗聖公會聖多馬小學的校長！她在電視節目中表示，自己不介意兒子扮靚，亦會聆聽他行為背後的原因。只要上學時整潔、做好學生本份即可，連主持洪永城都讚施齊媽媽通情達理。