【好堅！】北海道實木波波池

眾所周知，一般畀小朋友玩嘅波波池用嘅都係膠波，就好似近期香港大熱、來自台灣嘅親子餐廳嘅藍色海洋波波池都係用膠波。膠波好處係輕、小朋友走入去玩甚至拎上手亂丟，都唔怕整親整傷。

但我今次去北海道見到嘅波波池就一反常態！啲波波竟然係用木造嘅！見到果下無理自己身世(唔係小朋友)，就直衝去波波池將木製波波拎上手把玩。發現其手感非常細滑，絕對唔會有木刺。

細心觀察可以睇到每個波波形狀都有點不一致，即係唔係完美圓形，有啲係近橢圓形，而且比一般波波池入面嘅膠波細粒好多。

然後我再嘗試進一步唔理自己身世，直接就成個身坐落去試下會唔會畀木波「un」到好痛。結果發現係唔會嘅！坐落去時，木波波係會順勢「扇走」，唔會痛。感覺都幾得意架！

不過如果小朋友拎上手亂丟的話，就應該會痛喇！同場仲有兩架以全木製造嘅車仔，好Chic呀成件事！

木波波池地址：北海道新千歲機場