【週六開鑼】赤柱童話市集任食波板糖

今個星期六就會正式開始嘅德國童話村聖誕市集，繼去年大受歡迎之後，今年加入童話元素再度重來。

全場焦點落於5米高的繽紛糖果屋，內有成千支由Papabubble製造的手工波板糖，更會於指定時段舉行波板糖放題，只需於12月1日至18日於赤柱廣場及德國童話村市集消費滿指定金額，就可得到波板糖自助餐參加證一張，小朋友肯定超開心。

此外，稱得上市集，當然有眾多美食及特色手作產品發售，全部都充滿童話色彩，令大家可以過一個童話Feel嘅聖誕。活動期間，亦會有不同團體會報佳音及演兒童話劇，聖誕老人還會不定時現身與大家相聚。

而大會今年推出限定版聖誕童話紀念杯，只要於活動期間消費滿指定金額，即可獲得紀念杯一隻連熱紅酒換領券一張(先到先得，換完即止)，飲住熱紅酒行市集，完全有身處歐洲小鎮一樣的感覺。

除了市集攤檔是熱點之外，今年市集入口亦設計得美輪美奐，是一家大細拍照的最佳位置，如果是晚上拍攝的話，效果更加浪漫。

日期：2016年12月10 - 11日及17 - 18日 (一連兩個星期六及星期日)

開放時間：中午12時至下午8時

地點：領展赤柱廣場天幕廣場

為咗令大家入赤柱更輕鬆，大會今年安排了免費穿梭巴士及穿梭船，另外亦設預約泊車服務，方便大家預時間。