2019-11-13, 週三

【媽咪你點揀】最討厭家務係邊樣

媽咪唔易做,唔少香港家庭仍然奉行「男主外,女主外」嘅方針,意味住媽咪要專心湊仔處理所有家務,唔知你地又最憎做邊樣呢?

 媽咪要做嘅家務實在太多,我地總結咗幾個主流家務,你又討唔討厭做呢d家務呢?

20161224 5619 a1

1.換床單被袋

辛苦:對手無搏雞之力嘅媽媽嚟講簡直就係一件災難,冬天d被又重又厚,換一次就好似去完健身室做負重運動咁!

唔辛苦:一句唔夠力等老公返嚟搞掂。

2.洗碗

辛苦:屋企三餐都要洗,仲未計洗大型廚具,冬天d水又凍,唔戴手套真係會死人,雖然戴咗都唔想洗。

唔辛苦:叫老公洗幾日。

3.拖地

辛苦:要準備一大桶水,濕咗水嘅地拖又重,拖一陣又要去扭水濕過再嚟!

唔辛苦:香港人屋企好細,唔驚。

4.執房

辛苦:唔知點舛每隔一陣,屋企人d房就變曬樣,周圍都擺住d無謂野!我見到就唔舒服,有時執完仲要比人埋怨整唔見佢地d野。

唔辛苦:屋企人好企理。

5.燙衫

辛苦:仔女校服又要燙,老公西裝又要燙,要燙整齊一件都要差唔多十分鐘,如果唔求其的話。

唔辛苦:偶爾先燙。

6.洗衫、摺衫

辛苦:屋企人差唔多2日就一套,仲未計每日換嘅底衫褲同手洗衣物!成座山咁高嘅衫摺完仲要分返係邊個打邊個嘅,真係得媽咪先記到!

唔辛苦:係咪都扔曬落洗衣機,摺衫都係唱住歌慢慢摺。

不過相信大部人同小編一樣係揀唔落手,因為我地係討厭做全部家務!