2019-10-16, 週三

【好窩心呀!】將新抱當女照顧 台灣好奶奶羨煞網友

婚後一個好奶奶,可以避免到好多婆媳及夫妻糾紛!日前,台灣就有位女網友係Facebook社群《靠北婚姻》中發文,大讚同自己同住嘅奶奶,令佢覺得窩心又感動!

呢位女網友嘅奶奶,每個星期都會叫女網友老公,帶埋女網友同囡囡一齊返娘家,畀親家見吓孫女同自己個囡。女網友仲話,自己爸爸因為菜價高唔捨得買菜,奶奶得知消息後即刻去市場買菜,話要幫佢哋加菜。如此窩心嘅舉動令到呢位網友相當感動!

 20171127 8068 B01

近日天氣轉涼,女網友買咗份薑母鴨返娘家,但因為佢親父話最近菜價太貴,所以青菜買得唔多。翌日同奶奶講起,奶奶雖然語談間怪女網友點解唔買多啲,但轉身就二話不說直奔街市買菜,買咗幾種菜,又買多2條魚,叫女網友拎返屋企,話係幫娘家加菜。

 

咁都仲未完,女網友送完嘢返屋企後,又見奶奶自己煮咗鍋「料比湯多」嘅薑母鴨畀佢哋食!如此暖心舉動,羨煞不少網友,紛紛表示「婆婆太強大,真的把媳婦當女兒疼。」

 

圖片及資料來源:Facebook社群《靠北婚姻》