2020-12-01, 週二

【甘寧老師】從大火竄出來的牛鬼蛇神

九龍灣時昌迷你倉發生四級大火引起全城高度關注,多名消防員受傷之餘,更有一名消防隊長英勇殉職。正所謂香港遍地黃金,去少2次旅行都買到樓,大家又點會放過呢次商機!

20160622 3769 a1

大火發生後,令到我地明白應該珍惜眼前人,去多幾次旅行。有時我懷疑公關部門都係古巨基FANS,總喜歡「重複犯錯」,仲要犯埋d低智能錯誤,令我不其然想問一句,EGL請唔請人,我可以!

20160622 3769 a2

今日我打算免費為一班後生仔上堂,後生仔成日話政府乜乜物物,自己廢搵唔到食係到賴三賴四,香港其實處處都有商機,睇你把唔把握到機會!

1.利用同情心

EGL教識大家珍惜眼前人,依家就要學下咩叫雪中送碳,字裹行間完全體會到佢對同袍嘅關愛。652-110073-292已經唔係一個單單的銀行戶口號碼,已經昇華去令一個境界,係一串拯救生命嘅代碼。嗱,講明先,個戶口假o架,自己唔睇字捐左唔好返嚟搵我!

20160622 3769 a3

2.增加自己曝光率,領取光環

後生仔一定要勇於表現自己,每個人都係自己嘅公關,多d打卡關心身邊嘅人同事,對自己事業無往而不利!老細唔會知你做左d咩,你要積極咁比你老細睇到你實際做左d咩。

下次係公司ot不妨大聲講句「好多野做啊,等我ot搞掂佢先」然後拍卡,再返埋位ot,再補多句「哎啊!我拍左卡添,但係唔緊要啦,鬼叫d野要做咩!」呢個時候你係老細心目中嘅地位就會從小員工變成小奴工,距離升職加薪又邁進左一大步,汪汪!

20160622 3769 a4

圖片:網絡