【皮膚乾?】1歲BB自己的腳自己搽
近日天氣忽冷忽熱,時而潮濕時而乾燥,唔單止大人嘅肌膚要照顧一下,BB仔幼嫩嘅皮膚更加要好好呵護。
讀者Emily個囝囝剛剛過咗一歲,平時都係爸爸或媽媽幫佢全身搽Cream保濕,可能就係「有樣學樣」嘅關係,日前囝囝就學識咗「自己的事自己做」!
就喺爸爸幫佢背脊搽緊Cream嘅同時,囝囝都用手指仔幫自己對腳仔搽Cream,而且搽得好仔細添!
發現唔夠搽時,BB仲識得叫姐姐遞樽Cream過佢自己用手指仔點嚟搽,哈哈!真係好可愛呀!佢一歲人仔咋,好叻呀!
圖片:讀者Emily授權刊登