2019-09-22, 週日

【最平2折有交易】九展VW OUTLET終於開幕

每次Vivienne Westwood搞開倉、清貨大減價,都吸引到一眾潮媽瘋狂掃貨!可見西太后的魔力有多大!

還記得我們之前提過Vivienne Westwood OUTLET將於九龍灣國際展貿中心開幕嗎?日前發現此店終於正式開幕了,以為一眾潮媽又有新去處!

【優惠資訊】九展vw-outlet終於開幕

記者當然都唔執輸,即刻去朝聖,同讀者報告一下有乜好嘢抵買啦!不過去到現場就發覺唔多對路。

【優惠資訊】九展vw-outlet終於開幕

VW Outlet新店地方闊落、店面裝潢與一般VW分店無異,貨品全部整齊分類放於貨架上,都幾好行嘅。但由於人流不多,入到店舖內Sales基本上會採取「人釘人」的貼身銷售模式,想自己慢慢選購基本上唔可能。

【優惠資訊】九展vw-outlet終於開幕

至於大家最關心的價錢,亦有點強差人意,售價由2折至5折不等。最低折扣雖定價兩折,但選擇不多,其中最受OL歡迎的膠鞋亦只有4、5款選擇,且只有半價,折扣後都索價5百多元,唔多抵買!

【優惠資訊】九展vw-outlet終於開幕

VW銀包全部放在玻璃櫃內,要攞上手睇可以勞煩Sales姐姐拿出來。

【優惠資訊】九展vw-outlet終於開幕

VW絲襪、襪褲低至半價,款式非常Fancy!

【優惠資訊】九展vw-outlet終於開幕

相比上次在觀塘貿易廣場的VW開倉活動,此Outlet所售的貨品的定價就明顯不夠進取了!個人都是喜歡果種人山人海、大家亂七八糟咁搶購心儀又真抵買貨品嘅開倉多啲。所以對於呢間新開幕嘅VW Outlet,我嘅評價是:「可以唔使去!多謝!」

×