何謂「滴滴皆辛苦」,全職工作但仍持續餵哺母乳嘅Hody Ma就最清楚感受到。全人奶媽媽最怕係乜?當然係奶量大跌而令BB的糧食短缺啦。

3195

所以平常除了要保守輕鬆心情、多飲水,有足夠休息時間外,飲食都要注意。對於食咗會收奶嘅食物,就要「敬而遠之」啦!咁究竟食乜會收奶?人人身體反應都有不同,而坊間就流傳多種收奶食品,以下找來3款常常被誤認為會收奶的食品。嗱!認住佢地喇!

【育兒成長】傻傻分不清的收奶食品大檢閱

1.人蔘
網上流傳食咗人蔘會收奶,大眾也普遍認為人蔘是收奶食品。其實人蔘都分好多種,有高麗蔘、紅蔘、黨蔘、花旗蔘等,每種蔘都有不同功能。例如花旗蔘就可以清熱、而黨蔘就有健脾益氣的功效,Hody Ma坐月中期就幾乎日日都有飲黨蔘湯、炒米茶都有加黨蔘,全部都係已有陪月證書嘅媽媽幫我準備,補身嘅同時又完全無影響奶量。不過高麗蔘、紅蔘就由於進補功能強烈,太過行氣活血,所以一般都不建議媽媽產後進食,且也有中醫師認為高麗蔘、紅蔘有抑制乳汁的功效。所以話人蔘係收奶食物,所講的應該就是高麗蔘、紅蔘。

【育兒成長】傻傻分不清的收奶食品大檢閱

2.淡豆豉
話說有一次Hody Ma與朋友飲茶眾會,其中一個點心是豉椒蒸排骨,朋友突然大聲喝令Hody Ma唔好食排骨!因為:「排骨上有豆豉,會收奶!」其實呢個真係一個好常見的誤會,豆豉!係唔會收奶嘅。會收奶果隻叫淡豆豉!淡豆豉係中藥,要去藥材舖先買到,平時煮飯蒸魚果隻豆豉唔會收奶架,黑豆、黑豆茶仲可以增奶添,唔好攪亂呀。

【育兒成長】傻傻分不清的收奶食品大檢閱

3. 生麥芽
Hody Ma早兩日在自己的媽媽群組內就聽到有個媽媽朋友問:「麥芽糖餅乾食唔食得?係咪會收奶?」其實呢,會收奶果隻又係要藥材舖先買到,叫生麥芽或炒麥芽,係大麥來的。大麥本身其實唔會收奶,係已發芽大麥先會收奶。我地平時會食到的小麥、麥芽糖係唔會收奶架,而用黑麥芽(即裸麥)製造的黑麥汁仲有增奶作用添,所以可以放心食喇。

圖片:親子頭條

會員評分: 0 / 5

不啟用星號不啟用星號不啟用星號不啟用星號不啟用星號不啟用星號
 
×