親子好去處｜元朗農圃有機蘿蔔薯仔自摘體驗　齊齊感受農耕樂

不少小朋友都「揀飲擇食」，令家長相當頭痛。適逢有元朗農圃舉辦採摘蘿蔔薯仔的活動，趁天氣未開始太熱，家長可帶子女親身落田，稍為體驗一下「誰知盤中餐，粒粒皆辛苦」的感受，讓小朋友知道食物得來不易！

「春日限定—拔蘿蔔 X 掘薯仔自摘體驗」於2月22-23日舉行，大人小朋友可以在元朗河背村的農圃，落手落腳嘗試收割遲水蘿蔔和黃金薯仔。除了蘿蔔和薯仔，亦可以摘有機車厘茄（自選項目，按磅計 $50/磅）。

農圃一年四季都舉辦不同農耕體驗及收割活動，導師將帶領參加者體驗開田翻土、除草施肥、落種培育及結果收割的整個「農田至餐桌」的過程，讓城市人嘗試體會耕作的苦與樂，在繁忙的生活中放慢腳步。有興趣的家長可留意農圃的社交平台，帶同小朋友一同參與。

春日限定—拔蘿蔔 X 掘薯仔自摘體驗

日期：2月22日（星期六）、2月23日（星期日）

時間：10:30-11:30

地點：元朗河背村SEED河背農圃

費用：港幣$100（包兩磅自摘蘿蔔或薯仔）

報名連結：https://seedspringharvest.eventbrite.hk