親子好去處｜Duffy與好友同萌遊回歸！全新劇場+列車+必影可愛座打卡位

今年香港迪士尼「Duffy與好友同萌遊」又嚟喇！全新Duffy與好友春日限定列車已換上一眾角色主題佈置，樂園內5個地點亦為毛公仔特別裝設「可愛座」打卡位。大人小朋友記得要睇2個限定劇場，當然唔少得多款萌萌主題商品，內文即睇詳情！

全新Duffy與好友春日限定列車

由2025年2月21日至5月7日，香港迪士尼樂園度假區舉辦「Duffy與好友同萌遊」活動。樂園火車化身成「Duffy與好友春日限定列車」，由車站到火車車身，都佈滿彩旗和彩紙圖案，一眾角色融入整個行程，與大人小朋友一起環遊樂園。

毛公仔「可愛座」打卡位登場

樂園於5個地點，亦為毛公仔特設「可愛座」打卡位。5個Duffy與好友毛公仔打卡位設於奇妙夢想城堡、小鎮大街火車站、探險世界、灰熊山谷及迷離莊園，小朋友可帶同心愛的公仔前往打卡影靚相。

2大春日限定小劇場　

Duffy與一眾好友換上一系列新裝束，當然要和大人小朋友見面！在小鎮大街火車站，Duffy、LinaBell與Olu Mel及ShellieMay會以歌舞與大家分享旅途中的故事；而於奇妙夢想城堡，所有Duffy好友將和大家分享快樂的野餐時刻。

超萌春日限定商品！

樂園內各處既已換上Duffy與好友的萌萌裝飾，大人小朋友當然要悉心打扮一番！今季限定商品都充滿粉嫩的春天氣息，小朋友戴起小飾物可可愛愛地影相打卡，一起成為Duffy及一眾好友的一分子！

859元「雙重暢玩」優惠登場！

由即日起至2025年6月30日，香港居民可用港幣$859元專享「雙重暢玩」優惠，於指定期間入園兩次，除了參與「Duffy與好友同萌遊」限定活動，亦可投入其他期間限定活動。優惠亦包括購物和美食禮券，小朋友考完試做完功課，是時候和家長一齊享受愉快時光！

香港迪士尼「Duffy與好友同萌遊」

日期：2025年2月21日至5月7日

地址：香港迪士尼樂園度假區