【首日現場直擊】家品博覽及美與健生活博覽

咁家電‧家品博覽同第一屆美與健生活博覽又有咩睇有咩買？即刻睇下啦！

家電‧家品‧博覽

第3屆的家電‧家品‧博覽集合150個參展商，展示廚房電器、家庭電器、寢室用品、廚具和餐具等各類優質電器及時尚家居用品。

博覽設有品牌專區「家之選大道」，滙聚接近40家參展商展出多個時尚生活品牌，包括中華電力、Dyson、德國寶、Kenwood、貴夫人、OGAWA、OTO、飛利浦、STAUB、煤氣、WMF和德國孖人牌等。

德國寶多功能飯煲

家用自製麵條機

德國孖人牌產品。

Dyson Booth示範吸塵機功能

會場獨家優惠

另外，場館內亦會舉行幸運抽獎、產品示範、健康生活分享會，以及名廚烹飪示範，包括雲來軒行政總廚兼董事黃亞保，及麗新餐飲管理有限公司集團行政總廚(中菜)歐國強師傅。場內也設有「競投精明眼」活動，入場人士可以出價競投精選家電和家品。

美與健生活博覽

至於隔離嘅美與健生活博覽就是香港貿發局今年首度舉辦嘅展覽，主要提供最新的美容及健美產品。例如最新彩妝及護膚產品、美髮及護髮用品、按摩用品、美甲用品、家用電子美容產品等各種健美產品。

其中包括採用海拔5,100米高的西藏冰川礦泉水而製成的水潤護膚品、首次進軍香港市場的台灣玻尿酸水感保濕防曬系列，和產自美國的「貼式指甲油」等。

另外，展覽期間，大會安排了多項活動，包括化妝、髮型及美甲示範，以及由著名美容及食療作家和名醫師主持的養生保健分享會。

不過記者於首天走訪完家品博覽及美與健生活博覽後，就明白點解一張入門券可以行晒3個展覽。因為呢兩個展覽都幾流下，除咗某幾個大品牌例如Dyson、德國寶、德國孖人牌等有啲睇頭、有獨家優惠外，其他攤位就唔係咁吸引喇。所以除非事前已經鎖定入手目標，否則唔行都無蝕底，留返啲腳骨力掃多轉美食展好過！