【你話點寫好？】中學生功課：扮兩歲學童寫上堂心聲

日前沙田有間學校，就有學生於Facebook Page「名校 Secrets」上傳一份功課相片，向網民集思廣益一下，應該點寫好，引來好多學生熱論。呢份功課係一篇要假設自己係兩歲學童，以日記或書信格式寫一篇參與面試班及學術班嘅作文。

唔係話唔得，之不過寫感想之餘，仲要假設自己係兩歲學童，不少網民笑稱，兩歲學童字都未識齊，仲想佢寫書信或日記，好強人所難喎。

（網民搞笑話，假設我得兩歲，我唔識寫字）

（亦有網民話，得兩歲的話，就應該將啲作文格仔油顏色嚟交功課。）

之不過唔好話中學生，連大學生同幼稚園小朋友，相信都曾經見過一啲題目令人哭笑不得嘅功課，例如之前就有大學學生指老師要求利用情人生日日期，去完成功課！

（好多單身同學仔表示弱小心靈受到傷害，紛紛稱：「單身無交功課」）

不過，呢啲題目可以畀學生笑吓放鬆吓，亦未嘗唔係一件好事嚟嘅。

圖片及資料來源：Facebook Page「名校 Secrets」