【美日直運】玩具開倉 必買$40超大公仔連可洗式箱頭筆

打頭陣一定係呢個必買超大公仔連可洗式箱頭筆，公仔質地都好好仲要幾大個，小朋友可以瘋狂咁用支專用Marker畫花隻公仔，只要事後抹一抹就會回復原狀，啱曬屋企個百厭星！

職員透露，呢個品牌同專利已經被迪士尼收購左，所以呢批貨可以話係可遇不可求！佢地都有被迪士尼收購後嘅冰雪奇緣版本，但係就已經要$100，雖然都抵玩！但最抵一定係未收購前嘅呢個版本。

講起女仔最鍾意嘅Elsa公主，呢到有套集木顏色、蠟筆、水晶筆連填色紙都係$180，有排玩！

介紹完小編覺得必買嘅之後，為大家介紹全店最好賣嘅玩具！無錯就係呢套木製釣魚套裝，$60蚊有一個盒仔，連釣桿同10幾款海洋生物，我估佢會最好賣係因為簡單又易有成功感。

女仔最鍾意玩煮飯仔同角色扮演，呢到有一套醫療箱套裝賣，女女扮護士必買！

嚟呢到買野有個超大好處，就係咩野都可以拆開嚟睇，不過要先知會職員！以上就係個醫療箱套裝嘅實物圖，個箱同入面d小道具都係木製為主，$100蚊絕對超值。

（煮飯仔套裝$80)

男仔都有好多啱玩嘅玩具，呢架差唔多成米咁長嘅遙控貨櫃車都係$130，車身可以拆開玩，當成係普通Size嘅遙控車。

鍾意音樂嘅小朋友，媽咪就一定要買呢個木琴比佢地，咁大個都係$50，真係可以敲得出歌仔！

想知有邊d貨係美國同日本直運，可以向店員查詢！除左小朋友，媽咪都可以執到唔少好野，anello袋近年十分流行，但係市面上真假貨難分，呢到嘅有曬日本Price tag保證係日本坐飛機返嚟！

仲有好多來自日本嘅生活用品，實用又抵買。

(防駝背背帶$55)

(最受歡迎小文具，可以放入筆袋嘅較剪）

出面賣到差唔多$200嘅Tsum Tsum iPhone6手機殼，呢到日本空運返嚟賣$80！

全場貨品之所以做到咁平，都係因為店主只會做到12月中就結束營業，好多美日貨都真心唔錯，大家有時間可以去睇睇！

最後，只要上到去買任何野，佢地仲會送一個發光頭箍比你地！嚟緊萬聖節用就最適合不過。

平野就睇曬，我地都買左幾樣玩具為大家做個試玩報告，睇下個質量夠唔夠好！------------>http://bit.ly/2e0BBqv

EvoKids兒童產品專賣店開倉

門市地址: 九龍 荔枝角 瓊林街 93號 龍翔工業大廈8樓 805A

門市營業時間: 星期一至五: 12:00 至19:00 星期六: 12:00 至 15:00 星期日及公眾假期休息