2020-09-20, 週日

【內附各種去油小技巧】洗碗好頭痕?快收快洗有辦法!

過親節人一多,煮完成枱餸,之後仲要面對堆積如山嘅碗盤,真係頭都大埋!不過唔洗咁驚,呢度就有幾個快速收拾殘局同去油小技巧,等你快手快腳搞掂佢!

 20180224 8489 B01

工具同次序都好重要,首先我哋要先準備以下2樣工具:

收碗盤

如果徒手拿碗盤,就算全部堆疊,都可能要來回個3、4次先收得哂成枱餐具,建議用塑膠盒、盆或水桶等大容器,裝滿後拎去廚房,慳時又唔驚跌。

膠袋

處理廚餘時,可先用果皮或紙巾,先將碗盤大略抹一抹,咁碗盤堆疊時,底部先唔會蘸到油漬,清起來就無咁麻煩。

 

洗碗小技巧

碗盤放在水龍頭下沖洗

沖洗時,將未清洗嘅碗盤放於水龍頭下方,手上一邊洗碗,留下的水可順便沖洗下方的器皿,洗得更乾淨。記得煮飯時,順將用完嘅炒鍋、飯鍋先搵水沉住,食完飯洗時先夠快。

 

小蘇打粉去油污

油污太強嘅器皿,可撒上小蘇打粉,搭配海綿、百潔布等清洗會比較快,如果只用清潔劑,反而要用更多時間同用量去洗走泡沫同油膩感。另外,記得木筷子唔好用百潔布刷,咁會好易留下刮痕,藏污納垢!

 

熱煮去重油污更快速

如果真係極油、或係一啲位置難於清洗油污嘅鐵製物品,可以用水沖洗過一次後,以大湯鍋裝滿水,再將鍋具放入,加滿水及1匙小蘇打粉,開大火煮滾水,油污就會去得乾乾淨淨!

 

如果想碗盆乾得快,水氣蒸發速度比較快,只要最後沖水時改用熱水,晾乾時,再係枱上鋪抹布吸水,並同樣將碗盤從小到大,依序疊在筷子上,碗的底部才可以保持通風,就可以乾得更快。